Абыраллаах уонна “алдьатыылаах”

Банаан сииргин сөбүлүүгүн? Доруобуйаҕа олус туһалаах, тоҕо диэтэххэ:

-мэйии үлэтигэр үчүгэй, киһи өйгө тутар дьоҕурун сайыннарар;

-киһи этигэр-хааныгар түргэнник иҥэр саахардаах, серотониннаах уонна триптофаннаах буолан, настырыанньаны көтөҕөр;

-табахтарын быраҕа сатыыр дьоҥҥо абыраллаах ас дииллэр;

-састаабыгар инулин баар, ол иһин оһоҕос микрофлората чөлүгэр түһэригэр көмөлөһөр;

- ис уорган үлэтэ кэһиллибит буоллаҕына, ону клетчатканан баай банаан суһаллык сааһылыыр;

- айах уонна куртах бааһа оһоругар көмөлөһөр;

-олус сылаалаах, элбэх хамсаныылаах, сүүрүүлээх-көтүүлээх үлэҕэ сылдьар дьоҥҥо күүс-сэниэ эбэр.

Аны туран, бу абыраллаах аспыт сорох дьоҥҥо “алдьатыылаах” буолуон сөп эбит:

-хааны хойуннарар, киһи иһин үлүннэрэр;

- варикозтаах дьоҥҥо барсыбат;

-  ИБС, тромбофлебит диэн диагнозтаахтар банааны элбэхтэ сииллэрэ соччото суох;

- үрдүк калорийдаах буолан, эмис, үскэл дьон үлүһүйбэттэрэ ордук.