03.11.2022 | 07:00

Аармыйаҕа хомуур саҕаланна

Сэтинньи 1 күнүттэн быстах мобилизация кэмигэр болдьоҕо көһө сылдьыбыт күһүҥҥү хомуур саҥа саҕаланна. Аармыйаттан босхолонуу мобилизацияттан босхоломмуттааҕар атын төрүөттэргэ тирэҕирэр.
Аармыйаҕа хомуур саҕаланна
Ааптар: Розалия Томская
Бөлөххө киир

Отсрочканы ким ыларый?

— Быстах кэмҥэ аармыйаҕа барсыбаттар (“Г” категория) –төрөппүттэрин, бииргэ төрөөбүттэрин, эбэтин, эһэтин көрөр киһиэхэ 1 сылга бэриллэр. Ыарыһах көрүүгэ-истиигэ наадыйарын туһунан МСЭ түмүгэ баар буолуохтаах, ону тэҥэ атын көрөр киһи суох буоллаҕына эрэ көҥүллэнэр.

— Аҥаардас аҕалар.

— Икки эбэтэр онтон элбэх оҕолоохтор.

— 3 сааһын туола илик инбэлиит оҕолоохтор.

— Биир оҕолоох уонна 22 нэдиэлэттэн улахан хат кэргэннээх.

— Ис дьыала, УФСИН, таможня уорганнарыгар, баһаарынай сулууспаҕа, үөрэхтэрин бүтэрэн баран үлэлии киирбиттэр.

— Росгвардияҕа үлэлии киирбиттэр (үөрэхтэрин бүтэрбит, званиелаах дьон).

— Госдуума дьокутааттара, регионнар мунньахтарын дьокутааттара, муниципальнай дьокутааттар, баһылыктар, быыбар кэмигэр хандьыдааттар.

— Күнүскү үрдүк, орто үөрэх устудьуоннара, аспираннар – биир төгүл болдьохторун уһаталлар.

— Сэрии дьайыытыттан тэскилээччилэр (беженцы) – 3-6 ый.

 

Үөрэх отсрочката биирдэ эрэ бэриллэр. Холобур, орто үөрэх устудьуона үөрэнэ сылдьарын туһанан, аармыйаттан биирдэ эрэ босхолонор, онтон салгыы үрдүк үөрэххэ киирдэҕинэ отсрочка ылар кыаҕа суох буолар. Аспираннарга эбии отсрочка көрүллэр.

 

Ким босхолоноруй?

— Хааччахтаах категория (В категория – “ограниченно годные”) альтернативнай сулууспаны ааспыттар, атын дойдуга сулууспалаабыттар.

— Байыаннай дьайыыга суорума суолламмыт дьон бииргэ төрөөбүттэрэ уонна оҕолоро.

— Суутунан уураахтаммыт накаастабылы ааһар дьон.

— Силиэстийэҕэ сылдьааччылар.

 

Ол аата аармыйаттан быстах кэмҥэ уонна олоччу босхолонуу диэн баар. “В” категория – босхолонуу, “Г” категория – биир сыллаах отсрочка, “А” уонна “Б” – хомуурга ыҥырыллаллар.

 

Маныаха “В” категория аармыйаҕа ыҥырыллыбат эрээри, мобилизацияҕа хапсар диэн бэлиэтиэх тустаахпыт.

 

Аармыйа сулууспатыгар 18-тарын туолбут 27 саастарыгар диэри уолаттар ыҥырыллаллар. Ханнык эмэ төрүөтүнэн уол 27 сааһыгар диэри сулууспалаабатах буоллаҕына, “Белый билет” диэни ылар уонна саппааска киирэр. Сулууспалаабатаҕын да иһин, мобилизация биллэрилиннэҕинэ, иккис уочаратынан ыҥырыллар (50 сааһыгар диэри).

 

“Белый билет” – байыаннай билиэт, манна сулууспа туһунан туох да суруллубат буолан “маҥан” аатырар.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...