27.12.2021 | 19:55

Ааһан эрэр сыл бэлиэ түгэннэрэ

Ааһан эрэр сыл бэлиэ түгэннэрэ
Ааптар: Айталина Софронова
Бөлөххө киир

Ыччат саҥа миниистирдэннэ

Бэрт соторутааҕыта Ил Дархан Айсен Николаев ыччат уонна дьиэ кэргэн политикатын министиэристибэтигэр Петр Шамаевы миниистиринэн анаабыта.  Петр Шамаев бу иннинэ «Биир ньыгыл Арассыыйа» баартыйа регионнааҕы кэмитиэтин салайааччытын солбуйааччынан үлэлээбитэ. Урукку миниистир Степан Саргыдаев Чурапчы улууһугар баһылыгынан үлэлии барда.  

Егор Филиппов аата өссө ааттанар

Быйылгы Дыгын оонньууларын күрэҕэр Егор Филиппов биэс төгүллээх чөпмүйүөн үрдүк аатын сүктэ. 

Промышленнаска үлэлээһин судургутуйда

Сахабыт сиригэр «Навахту14» бырайыак чэрчитинэн элбэх ыччат промышленнай тэрилтэлэргэ үлэ булан, баахтанан үлэлии туруннулар. «Навахту14» бырайыак сүрүн соруга – олохтоох ыччаты өйөөһүн, хамнастаах үлэнэн хааччыйыы.

Блогер Москваҕа көспүт

Биир биллэр блогер Лина Малина дьиэ кэргэнин кытта Москваҕа көстө. Бэлиэтээн эттэххэ, быйыл элбэх киһи көһөн барда, чуолаан эдэр ыччат уонна аҕам саастаахтар. Үксүлэрэ тымныыттан куотан бараллар, ону тэҥэ үлэ-хамнас аахсаары, киин сиргэ талаһаллар.

Эдэрдэр баһаарга үлэлээтилэр

Быйыл өрөспүүбүлүкэ үрдүнэн хаһан да буолбатах элбэх баһаар өрө турда. Дойду үрдүнэн баһаары умуруорууга үгүс эдэр дьон туора турбакка, эппиэтинэһи толору өйдөөн, бүтүн Саха сирин үрдүнэн баһаары умуруорууга волонтердар быһыытынан кыттыыны ыллылар.

 

Киберспортка — инники күөҥҥэ

Быйыл сайын «Ростелеком» хампаанньа Уһук Илин регионугар Counter-Strike оонньууга ыыппыт чемпионатыгар 32 хамаанда кыттыбытыттан, Саха сирин хамаандата маҥнайгы миэстэни ылбыта. Хамаанда хапытаана — Степан Антонов.

Модель Полина Протодьяконова ыал буолбут

Саха сириттэн төрүттээх модель Полина Протодьяконова Роберт Рдзаковка кэргэн тахсыбыт. Роберт Рдзаков Нью-Йорка аан дойдутааҕы инвестиционнай хампаанньаҕа үлэлиирэ биллэр.

Полина Протодьяконова — карьераны ситиһиилээхтик өрө туппут уонна аан дойду подиумнарыгар тахсыбыт саха биир чаҕылхай кыыһа. Полина 2006 сыллаахха «Мисс Виртуальная Якутия» күрэҕи кыайан турар.

Ыччат парламенын бастакы форума

Саха АССР тэриллибитэ 100 сылыгар анаан тэриллибит «Молодежь парламентаризма» өрөспүүбүлүкэтээҕи форум буолан ааста. Тэрээһиҥҥэ Сахабыт сирин ыччат уопсастыбаннай холбоһуктарын 60-ча чилиэнэ кыттыыны ылла. Ол түмүгүнэн форум сыл аайы буоларын туһунан быһаарыы ылыллыбыт.

Форум ыччаты сокуоҥҥа, региоҥҥа ыччат политикатын сайыннарыыга, ыччакка аналлаах баараҕай бырайыактары оҥорууга уонна олоххо киллэриигэ туһуланар.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...