28.12.2021 | 15:00

Аһымал аахсыйаҕа кыттыһыҥ!

Аһымал аахсыйаҕа кыттыһыҥ!
Ааптар: Розалия Томская
Бөлөххө киир

«Мой бизнес» киин Саҥа дьыллааҕы #МойБизнесПомогает аһымал аахсыйаҕа кыттарга ыҥырар. Предпринимателлэр уонна баҕалаах дьон барыта доруобуйаларыгар ментальнай кэһиллиилээх уонна ДЦП диагнозтаах оҕолорго көмөлөһүөххүтүн сөп.

Көмөнү хомуйуу ахсынньы 27 күнүгэр диэри ыытыллар. Аадырыстара: “Мой бизнес” Киин офиһа, Киров уул., 18, Б блок, 1 этээс; сарсыарда 9 чаастан киэһээ 6 чааска диэри (бэнидиэнньик-бээтинсэ).

Офис бастакы этээһигэр анал бокс турда, манна ыарыһах оҕолорго саамай наадалаах маллары аҕалан ууруоххутун сөп: «Super Seni» подгузниктары (S, M, L размердаахтары), «YokoSun» (XXL размердааҕын), «Pampers active baby-dry» (6 размерын). Маны таһынан наадалар:

гигиеническэй салфеткалар;

оборор пеленкалар;

кэмпиэттээх набордар;

сайыннарар оонньуурдар.

 

Баҕалаахтар биир оҕоҕо туһунан бэлэх оҥорон, саҥа дьыллааҕы ыра санаатын толоруохтарын сөп – сиһилии 8-924-467-72-25 нүөмэринэн билсиҥ.

 

Аһымал аахсыйаны “Мой бизнес” Киин, Предпринимательство министиэристибэтэ, “Лучики света” ДЦП-лаах уонна ментальнай кэһиллиилээх оҕолорго көмөлөһөр киин тэрийэн ыыталлар. Билсэр төлөпүөннэргит: 8-800-100-58-80, 8-924-467-72-25.

#мойбизнеспомогает – бүтүн Арассыыйатааҕы хамсааһын, Экономическай сайдыы министиэристибэтин көҕүлээһининэн “Мой бизнес” Кииннэри кытта иккис сылын ыытыллар. Былырыын Саха сирин предпринимателлэрэ уонна үтүө санаалаах дьон саҥа дьыллааҕы көмөнү 34-үс №-дээх интернат-оскуолаҕа оҥорбуттара.

Санатан эттэххэ, “Мой бизнес” Киин ыытар аһымал аахсыйаларыгар биэстэн элбэхтик кытыннахха, #МойБизнесПомогает социальнай бэлиэнэн наҕараадаланаҕыт.

Бизнес-инкубаторга миэстэ таҕыста

 “Мой бизнес” Киин Дьокуускай куорат бизнес-инкубаторыгар миэстэ ыларга куонкуруһу биллэрэр.

2022 сыл тохсунньу 20 күнүгэр диэри сайаапкалары туталлар.

Куонкуруска 13,4 кв/м иэннээх офис туруорулунна. Миэбэллээх, офиснай техникалаах, төлөпүөн уонна интернет холбоммут, баһаарынай уонна харабыл сигнализациялаах. Бизнес-инкубатор дьиэтигэр суукканы эргиччи кэтэбиллээх, гарбероб, буфет уонна уопсай туттуллар зоналар үлэлииллэр.

Бизнес-инкубатор резиденэ буолар предприниматель офиһы чэпчэтиллибит сыанаҕа куортамнаһарын таһынан, бырайыагын сайыннарарга маннык көмөнөн туһаныан сөп:

3 сыл устата персональнай менеджер;

Консультациялар, экспертэр сүбэлэрэ;

резиденнэргэ эрэ анаан ыытыллар үөрэтэр тэрээһиннэр;

атын офистары чэпчэтиилээх уларсыы (кэпсэтии хоһо, конференц-зал, коворкинг);

“Мой бизнес” информационнай балаһааккалара;

Босхо полиграфия;

Нетворкинг о.д.а.

Кыттыахтарын сөп:

Дьоҕус бизнес бэрэстэбиитэллэрэ;

“Самозанятай” статустаахтар;

Саха сиригэр 3 сылтан ордук үлэлээбит буолуохтааххыт.

 

Куонкуруска көрүллэр:

табааргыт уратытын, өҥөҕүт атыттартан тугунан ордугун ойуулааһын;

маркетинг, операционнай уонна финансовай сайдыы былаана;

инникигэ былааҥҥыт, хас үлэ миэстэтэ тахсара;

бырайыак сыанатын толуйар болдьоҕо.

 

Сайаапкаларгытын суругунан кэмбиэргэ уган туттараҕыт: 677018, Дьокуускай к., Киров уул., 18, Б блок, “Мой бизнес” Киин уонна электроннай почтаҕа ыытыаххытын сөп: arendacmb@mail.ru

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...