10.03.2023 | 10:00

Аһаабыппыт алгыс буоллун, сиэбиппит сэниэ буоллун!

Хайа да хаһаайка дьиэлээхтэрин минньигэстик уонна тотоойутук аһатыан баҕарар. Бүгүн ааҕааччыларбытыгар олус судургутук астанар минньигэс ырысыаптары билиһиннэрэбит.
Аһаабыппыт алгыс буоллун, сиэбиппит сэниэ буоллун!
Ааптар: Айталина Софронова
Бөлөххө киир

Лимон амтаннаах минньигэс куурусса атахтара

Биһиэхэ наада:

Куурусса атаҕа (голень) – 10 устуука;

Лимон – 1 устуука;

Эриэппэ луук – 1 орто кээмэйдээх;

Чочунаах – 4 өлүүскэ;

Мүөт – 4 ост. ньуоска.

Астааһына:

Духуопка оһохпутун 200С кыраадыска тиийэ сылытабыт. Лииһигэр атахтарбытын тэнитэ уурабыт, туустуубут уонна 35-40 мүнүүтэ буһара уурабыт.

Лимоммутуттан согун ыгабыт, чочунаахпытын кыра гына кырбастыыбыт уонна мүөтү кытта холбуу булкуйабыт. Кууруссабыт этэ буһан тахсарын саҕана үрдүгэр соуспутун кутабыт уонна саһарыар диэри, оһохпутун 180С кыраадыска диэри түһэрэн баран, өссө 10-15 мүнүүтэ буһаран ылабыт.

Хортуоппуйдаах вареник

Биһиэхэ наада:

Бурдук – 2,5 ыстакаан;

Уу – ыстакаан улахан аҥаара;

Сымыыт – 1 устуука;

Туус;

Мас арыыта – 1 ост. ньуоска;

Эриэппэ луук – 1 орто кээмэйдээх;

Хортуоппуй – 500 г.

Астааһына:

Маҥнай хортуоппуйбутун ууга буһаран баран пюре гына илдьиритэбит. Луукпутун хобордооххо кубиктыы кырбаан ыһаарылыыбыт.

Тиэстэбит бэрт судургутук оҥоһуллар: бары састаабы холбоон, тиэстэбитин мэһийэбит. Тиэстэбитин кыратык сынньата түһэн баран, тэнитэммит төгүрүк формалаах гына быһабыт. Ортотугар хортуоппуйбутун кутабыт, кытыыларын үчүгэйдик туттаран биэрэбит.

Бу курдук судургу аһы тоҥорон баран хаһан баҕар астанан, бэрт тотоойутук аһыахха сөп.

Ананастаах пицца

Сымнаҕас тиэстэ буоларын туһугар биһиэхэ наада:

Бурдук –175 г;

Доруоһа –  ч. ньуоска ¼;

Мас арыыта – 1 ост. ньуоска;

Уу – 125 мл;

Туус.

Начыыҥҥа:

Куурусса 4 буутун этэ;

Ананас кэнсиэрбэтэ;

Сыыр – 200 г;

Минньигэс биэрэс – 2 устуука;

Кыра кээмэйдээх помидордар – 7 устуука;

Майонез;

Кетчуп.

Астааһына:

Бурдугу, тууhу уонна доруоһаны бииргэ холбоон миксердиибит. Туспа иhиккэ ууну уонна арыыны холбуубут. Бурдукка аа-дьуо булкуйа туран уубутун кутабыт. Барытын биир тэҥ буолуор диэри мэhийэбит. Остуолга кутан, илиибитинэн эмиэ мэhийэбит.

Тиэстэбитин дириҥ иһиккэ уган баран, сылаас сиргэ тахсыар диэри уурабыт. Тиэстэбит тахсыбытын кэннэ духуопка лииһигэр тэнитэ уурабыт уонна начыыммытын биир-биир уурталаан, сылыйбыт оһоххо саhарчы буhуор диэри туруорабыт. Буһан тахсыан 5 мүнүүтэ иннинэ түөркэлэммит сыырбытын үрдүгэр таммалатабыт.

Минньигэс манты

Биһиэхэ наада:

Хортуоппуй – 300 г;

Эриллибит ынах этэ – 600 г;

Эриэппэ луук – 300 г;

Сымыыт – 2  устуука;

Уу – 1 ыстакаан;

Бурдук – 2 ыстакаан;

Туус, биэрэс.

Астааһына:

Тымныы ууга туус, сымыыт, бурдук эбэбит уонна кытаанах соҕус тиэстэ охсобут. Тиэстэбит киһи илиитигэр сыстыбат буолуохтаах. Испитин оҥорор кэммитигэр тиэстэбитин сынньата уурабыт.

Хортуоппуйу, луукпутун кыра кээмэйдээх кубиктыы кырбыыбыт. Эриллибит ынахпыт этин кытта холбуубут, туустаан биэрэбит. Тиэстэбитин ылан чараас гына тэнитэбит уонна төкүнүк быһыылаах гына быһабыт, диаметра 10 см курдук буолуохтаах. Испитин ыламмыт манты быһыылаах гына суулуубут уонна пароваркаҕа буһарабыт.

Французтуу круассан

Биһиэхэ наада:

Слоенай тиэстэ – 2 устуука;

“Alpen Gold” сакалаат – 240 г;

Сымыыт – 1 устуука;

Саахар пудрата – 50 г.

Астааһына:

Бэлэм тиэстэни үчүгэйдик тэнитэбит уонна үс муннуктарга быһаттыыбыт. Билиитэ сакалаат биир быһыытын тиэстэбитигэр уурабыт уонна тиэстэбитигэр суулуубут. Саһархай дьүһүннээх буоларын гына сымыытынан сотобут. Духуопка оһохпутун 200С кыраадыска тиийэ сылытабыт. Сылыйбытын кэннэ круассаннарбытын 15-20 мүнүүтэ буһаран ылабыт.

Кууруссалаах уонна фасольлаах салаат

Биһиэхэ наада:

Күөх фасоль – 500 г;

Минньигэс биэрэс – 1 устуука;

Куурусса түөһэ – 300 г;

Соевай соус – 2 ост. ньуоска;

Мас арыыта – 3 ост. ньуоска;

Туус;

Чочунаах – 3 өлүүскэ;

Эриэппэ луук – 1 орто кээмэйдээх.

Астааһына:

Фасольбутун туустаах ууга 2-3 мүнүүтэ буһаран ылабыт, наһаа сымнаҕас буолуо суохтаах. Кууруссабыт түөһүн соломолуу кырбыыбыт, сылыйбыт хобордооххо кыратык ыһаарылаан ылабыт. Минньигэс биэрэһи, эриэппэ луугу, кууруссаны кытта ыһаарылыыбыт. Фасольбутун кытта холбоон, өссө 5-6 мүнүүтэ буһаран ылабыт. Аспыт амтааннаах буоларын туһугар чочунаахпытын бытархай гына кырбастаан соевай соуһу кытта холбуубут. Ыһаарылана турар аспытыгар кутаммыт, амтан биэрэбит. Салааппытын сылаастыы сиибит.

 

Хаартыскалар

Интэриниэт ситимиттэн.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.