90% дьиэҕэ гааһы биэрии сөргүтүлүннэ
Олохтоох дьаһалта ОДьКХ уонна энергетикаҕа департамена иһитиннэрбитинэн, атырдьах ыйын 27 күнүнээҕи туругунан 182 элбэх кыбартыыралаах дьиэҕэ гааһы биэрии сөргүтүлүннэ. Онуоха дьиэ уонна кыбартыыра иһинээҕи гаас оборудованиелара анал диагностиканы ааһаллар, өрөмүөн уонна тэхиньиичэскэй көрүү-истии үлэтэ ыытыллар.
Санатан эттэххэ, быйыл дьиэ уонна кыбартыыра иһинээҕи гаас оборудованиеларынан (ВДГО уонна ВКГО) туттуу болдьоҕо бүппүт 202 элбэх кыбартыыраҕа гаас араарыллыбыта.
«Бу боппуруос куруук хонтуруолланар, Олохтоох дьаһалта Территориялары кытта үлэлиир департамена, ОДьКХ уонна энергетика департамена, Куорат хаһаайыстыбатын үлэлэтэр сулууспа, «Сахатранснефтегаз» АУо уонна олохтоох бэйэни салайыныы уорганнара кыттыылаах мунньахтар ыытыллаллар. Маны сэргэ нэдиэлэҕэ хаста даҕаны кыһалҕалаах дьиэлэргэ көһө сылдьар мунньахтар тэриллэллэр», – диэн бэлиэтииллэр ОДьКХ уонна энергетика департаменыгар.
Хаалбыт 20 элбэх кыбартыыралаах дьиэттэн 13-гэр дьиэ уонна кыбартыыра иһинээҕи гаас оборудованиетын тэхиньиичэскэй диагностикатын оҥорорго дуогабар түһэрсиллибит, 6 элбэх кыбартыыралаах дьиэҕэ – аккаас, 1 дьиэҕэ дуогабар түһэрсии оҥоһуллар.
Маны таһынан гаас араарыллыахтаах аадырыстарыгар, ол эбэтэр 213 элбэх кыбартыыралаах дьиэҕэ дуогабары түһэрсиигэ тэрээһиннэр тэҥҥэ ыытыллаллар.
Сонуннар
Ордук ааҕаллар
