12.02.2021 | 10:20

56 МӨЛ. ТЫЛ САЙДЫЫТЫГАР АНАММЫТЫГАР УОПСАСТЫБАННАС ҮӨРДЭ

56 МӨЛ. ТЫЛ САЙДЫЫТЫГАР АНАММЫТЫГАР УОПСАСТЫБАННАС ҮӨРДЭ
Ааптар: Киин Куорат

Быйыл Өрөспүүбүлүкэ тылларын сайдыытын бырагыраамата үбүлэнэн уопсастыбаннас үөрэбит. Үбүлэммэтэҕэ хас эмэ сыл буолла. Бу үбүлээһин хайысхаларын барылын оҥорорго СӨ Үөрэҕин уонна наукатын миниистирэ Михаил Сивцев көҕүлээһининэн, уопсастыбаннас кыттыылаах хамыыһыйа тэрилиннэ.

Ол хамыыһыйаҕа СӨ тылларын сайдыытын боппуруостарыгар управление салайааччыта Р.Р. Жиркова, үөрэх миниистирэ бэйэтэ, Ил Түмэн дьокутааттара Ф.В. Габышева, П.В. Ксенофонтов, үөрэх, култуура министиэристибэлэрин, "Кэскил" хаһыат, "Чуораанчык" сурунаал, "Саха сирэ" хаһыат, Олоҥхо тыйаатырын, "Айар" кинигэ кыһатын, Сахафильм үлэһиттэрэ, саха тылын учууталлара, төрөппүттэр киирдибит. Кулун тутар 1 күнүгэр диэри хайысхалар, суумалар, индикатордар, о.э. ол туох көдьүүстээҕин көрдөрөр сыыппаралар хайыы-үйэ быһаарыллан, докумуон Ил Дархаҥҥа илии баттаныахтаах.

Олунньу 8 күнүгэр хамыыһыйа бастакы көрсүһүүтэ буолла. Эрдэттэн этиилэри хомуйбуттар, олус элбэх киирбит. Бу мунньахха эмиэ элбэх санаа этилиннэ. Кыра оҕолор сахалыы саҥарбат буолбуттарын бэлиэтээн, уһуйааннарга ойуулук (мультик) оҥоруутугар, тылбааһыгар улахан болҕомтону ууруохха диэн этии элбэхтик иһилиннэ.

Саха тылын учуобунньугун  төрөппүттэр, учууталлар сөбүлээбэттэрин биллэрдилэр. Ол эрэн учуобунньук оҥоһулларыгар 46 мөл. солк. наада эбит буоллаҕына, быйылгы сылга бу бырагыраама үбүлэнэригэр 56 мөл. солк. анаммыт. Онон барытын учуобунньукка ыыттахха, атыммыт хаалар. Ол иһин барытын бу бырагыраамаҕа соҥнообокко, атын бырагыраамаларга төһөнү, тугу киллэрэр кыаҕы быһааран, бүтүннүү киэҥник көрүөххэ диэн этии оруннаах буолла.

Вилюяна НИКИТИНА, “Ийэ тыл кэскилэ” уопсастыбаннай түмсүү салайааччыта.

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Ойуур кыыллара киһиэхэ тахсаллара элбээтэ
Сонуннар | 14.06.2022 | 11:44
Ойуур кыыллара киһиэхэ тахсаллара элбээтэ
Саһыллар, эһэлэр ас көрдөөн айан суолларыгар икки атахтаахха бэйэлэринэн тахсаллара үксээбитин айылҕа харыстабылын үлэһиттэрэ иһитиннэрэллэр. Киһи айылҕа кыылын уун утары көрсөр түгэнигэр тугу гыныахтааҕый?   СӨ Быыһыыр сулууспата иһитиннэрбитинэн, дьиикэй кыылы көрсүүгэ хас да быраабыланы тутуһуохтаахпыт. Ол курдук, бастатан туран балаһыанньаны, тирээн кэлбит түгэни сөпкө сыаналыахха наада. Ойуур кыыллара киһи элбэхтэ...
БКЭ-ни 100 баалга туттарбыт оҕо ахсаана эбилиннэ
Сонуннар | 15.06.2022 | 19:43
БКЭ-ни 100 баалга туттарбыт оҕо ахсаана эбилиннэ
Биир кэлим эксээмэни нуучча тылыгар 100 баалга суруйбут оҕолор ааттара билиннэ: - Красиков Виталий, Элдьикээн орто оскуолата, Уус Майа; - Василения Иван, 26 №-дээх оскуола, Мииринэй; - Жукова Екатерина, Политехническай лицей, Мииринэй; - Сулайманов Биймырза, 12 №-дээх оскуола, Мииринэй; - Новогодина Анжелика, 5 №-дээх оскуола, Дьокуускай; - Иванова Даяна, Өрөспүүбүлүкэтээҕи...