16.01.2023 | 14:30

5-с №-дээх оскуола салҕааһына аһылынна

Н.О. Кривошапкин аатынан 5-с №-дээх оскуола 2186 кв. м уопсай иэннээх салҕааһына үөрүүлээх быһыыга-майгыга аһылынна. Саҥа салҕааһыҥҥа 274 6-8 кылаастар оҕолоро үөрэниэхтэрэ диэн иһитиннэрдэ Олохтоох дьаһалта пресс-сулууспата иһитиннэрдэ.
5-с №-дээх оскуола салҕааһына аһылынна
Ааптар: Киин Куорат
Бөлөххө киир

Үөрүүлээх түгэнинэн педагогическай кэлэктииби, үөрэнээччилэри өрөспүүбүлүкэ Ил Дархана  Айсен Николаев уонна куорат баһылыга Евгений Григорьев эҕэрдэлээтилэр. Тэрээһиҥҥэ Үөрэҕирии уонна наука миниистирэ Ирина Любимова, Дьокуускай куораттааҕы Дуума Бэрэссэдээтэлэ Альберт Семенов, куорат баһылыгын солбуйааччыта Наталья Степанова, Үөрэҕирии управлениетын начаалынньыга Мария Петрова, «Сэттэ» ХЭТ дириэктэрэ Игорь Федоров уо.д.а. кытыннылар.

Ил Дархан  Айсен Николаев бэлиэтээбитинэн, Арассыыйа бэрэсидьиэнэ Владимир Путин сорудаҕынан олоххо киирэр «Үөрэҕирии» национальнай бырайыак көмөтүнэн, оскуолалара аһара туолбут Дьокуускай куоракка, үөрэҕирии материальнай-техническэй базатын саҥардыы уонна бөҕөргөтүү ыытыллар.

«2023 сылга Дьокуускайга 6 саҥа үөрэҕирии тэрилтэтэ тутуллара былааннанар. Оҕолорбут үчүгэй, аныгы усулуобуйаҕа үөрэниэхтэрин баҕарыллар. Тутааччыларга, «Сэттэ» хампаанньаҕа, «Главстрой» тэрилтэҕэ кылгас болдьоххо хаачыстыбалаах үлэлэрин иһин махтанабын», - диэтэ Ил Дархан.

Кини Дьокуускай кэми кытта эрэллээхтик бииргэ хардыылаан иһиэхтээҕин, киин куорат үөрэҕириитэ өрөспүүбүлүкэҕэ холобур буолуохтааҕын бэлиэтээтэ.

Куорат баһылыга Евгений Григорьев иһитиннэрбитинэн, быйыл оскуола сүрүн дьиэтигэр хапытаалынай өрөмүөн ыытыллыахтаах.

«Куораппытыгар, Владимир Владимирович Путин уонна «Биир Ньыгыл Арассыыйа» баартыйа көҕүлээһиннэринэн, араас эйгэ кыһалҕалаах боппуруостарын уонна сайдыыларын быһаарар хас даҕаны национальнай бырайыак олоххо киирэр. Чуолаан, хапытаалынай өрөмүөн бырагырааматын көмөтүнэн былырыын 11 оскуоланы өрөмүөннээтибит, быйыл өссө 13-һү өрөмүөннүөхпүт. Ити барыта оҕолорбутугар дьоһун уонна хаачыстыбалаах үөрэҕириини биэрэр сыалтан оҥоһуллар», - диэн бэлиэтээтэ Евгений Григорьев.

Санатар буоллахха, Н.О. Кривошапкин аатынан 5-с №-дээх оскуола салҕааһынын тутуута 2021 сыл балаҕан ыйыгар саҕаламмыта. Саҥа куорпус 2021-2024 сылларга Саха сирин уопсай үөрэхтээһинин тэрилтэлэригэр эбии миэстэлэри таһаарар бырайыак олоххо киириитин чэрчитинэн тутулунна.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.