01.05.2024 | 08:37

400 сыл устата – ардах уутун сүүрдэр халдьалар кыһалҕалара

400 сыл устата – ардах уутун сүүрдэр халдьалар кыһалҕалара
Ааптар: Киин Куорат
Бөлөххө киир

Аҕыйах хонуктааҕыта баһылык Евгений Григорьев куорат кыһалҕаларын быһаарыы боппуруостарынан Юрий Коркины кытта кэпсэттэ.
Юрий Семенович Коркин – 80-с сылларга Дьокуускай куорат салайааччыларыттан биирдэстэрэ. 93 сааһыгар сылдьар ытык кырдьаҕас бүгүн даҕаны Дьокуускай куорат кыһалҕаларыттан туора турбат. 
Билиҥҥи уонна урукку салайааччылар ардах уутун сүүрдэр канализация кыһалҕатын кэпсэттилэр. Бу – биһиги куораппыт тыын кыһалҕата. Хаар, ардах уута сааскыттан саҕалаан күһүн сир тоҥуор диэри нэһилиэнньэҕэ даҕаны, хомунаалынай сулууспаларга даҕаны үгүс кыһалҕалары үөскэтэр.
«Дьокуускай куорат уулуссаларын уопсай уһуна 600 км тахсан турар, онтон 50 км эрэ ардах уутун сүүрдэр халдьалаах – этэргэ дылы, 400 сыл устата итиччэ эрэ тутуллубут»,– диир Евгений Григорьев.
Онон куорат маастар-былааныгар 198 км усталаах, киин уулуссалары барыларын хабар халдьа бырайыага киирэн турар. 10 млрд солк. суумалаах бырайыак федеральнай бүддьүөттэн үбүлэниэхтээх. 
Канализация схемата былырыын Олохтоох дьаһалта сакааһынан оҥоһуллубута. Уопуттаах хаһаайыстыбанньык Юрий Семенович Коркин онно ыҥырыллан, тус көрүүлэрин, этиилэрин киллэрэн турар. 
«Экспертэр этиилэринэн уларытыылар уонна көннөрүүлэр кэнниттэн бырайыактааһыҥҥа киириэхпит. Бырайыак оҥоһуутугар икки-үс сыл барыаҕа, сыаната 900 мөл. солк. курдук буолуоҕа. Салгыы – тутуу үлэтэ», – диэн түмүктээтэ баһылык. 
Евгений Григорьев куорат урукку салайааччыларын кытта көрсүһүүлэр сөптөөх быһаарыныыны ылынарга сүҥкэн суолталаахтарын бэлиэтиир, диэн суруйар Олохтоох дьаһалта пресс-сулууспата.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...