306 тыһ. куб хаар тиэйилиннэ
Куорат хаһаайыстыбатын үлэлэтэр сулууспа иһитиннэрбитинэн, 2020 сыл сэтинньититтэн кулун тутар саҕаланыар диэри, Дьокуускайдааҕы хаар полигонугар 306 тыһ. куб. м. хаар тиэллибит. Былырыын бу көрдөрүү 246 тыһ. куб этэ.
Ыраастаныы үс ыйа биллэриллибит кэмигэр 3 тыһ. кубометр муус тарыҥ толору хааччыллыыта суох дьиэлэр санитарнай туочукаларыттан тиэйилиннэ.
Киин куоракка “Якутдорстрой”, “Жилкомсервис” тэрилтэлэр 90 тиэхиньикэтэ хаары тиэйиигэ, халтарааны утары кумаҕы ыһарга суукканы эргиччи үлэлииллэр. Маны тэҥэ “Жилкомсервис” тоҥмут убаҕас бөҕү хомуйар, полигоҥҥа тиэйэр.
“Якутдорстройдар” түүннэри-күнүстэри үлэлииллэр. Хаары тиэйии таһынан, уулуссалары уонна болуоссаттары сиппийии, оптуобус тохтобулларыттан мууһу ыраастааһын, бөх мунньар ууруналары кэмигэр сүөкээһин ыытыллар.
“Водоканал” АУо, ЯТЭЦ, “Теплоэнергия” АУо, “Жилкомсервис” МУТ олунньу бүтэһик күннэригэр былаанын 67 бырыһыанын толорбута.
Сонуннар
Ордук ааҕаллар
