3-с поликлиникаҕа 8, 2 тыһыынча киһи вакцина ылла

Дьокуускайдааҕы 3-с №-дээх балыыһаҕа вакцина саҥа партията кэлиэр диэри коронавирус утары быһыыны туруоруу  быстах кэмҥэ тохтоото. 
Поликлиника кылаабынай бырааһа Светлана Давыдова эрдэттэн сурутуута уонна олорор сиринэн сыһыарыыта суох COVID-19 утары вакцинация аахсыйатын нэһилиэнньэ сэргээбитин туһунан эттэ. Бу хампаанньаҕа 700 киһи хабыллыбытын, оттон поликлиникаҕа уопсайа 8,2 тыһыынча киһи вакцинаны ылбытын кэпсээтэ.  “Саҥа партия кэллэҕинэ, үлэбитин сөргүтүөхпүт”, – диэтэ балыыһа салайааччыта. 
Вакцина бастакы дозатын ылбыт дьон быһыыны туруортарыахтаах иккис түһүмэхтэрэ, өрөбүллэри, бырааһынньык күннэрин аахсыбакка, график быһыытынан ыытыллыаҕа. 
Балыыһа доруобуйаларыгар хааччахтаах уонна сытар ыарыһахтартан сайаапкалары ылар. COVID-19 утары быһыыны дьиэҕэ ыларга 506421 төл. эрийиэххитин сөп.