3 №-дээх балыыһа «Вакцинация түүнэ» аахсыйаны биллэрэр

Сарсын, ыам ыйын 18 күнүгэр, Дьокуускай куорат 3 №-дээх балыыһата Эстрада театрын дьиэтигэр «Вакцинация түүнэ» аахсыйаны ыытар. 
«Ыам ыйын 18 күнүгэр киэһэ 21 чаастан саҕалаан сарсыарда 7 чааска диэри СӨ Судаарыстыбаннай эстрада театрын дьиэтигэр «Вакцинация түүнэ» аахсыйаны ыытабыт.  Билигин медицинскэй тэриллэрбитин илдьэн бэлэмнэнэ сылдьабыт. Баҕалаахтары кэлэргитигэр ыҥырабыт», – диэтэ Дьокуускай куорат 3 №-дээх балыыһатын кылаабынай бырааһа Светлана Давыдова. 

Эстрада театрыгар вакцинация аахсыйата ыам ыйын 18 күнүттэн 19 күнэ буолар түүнүгэр, ону таһынан ыам ыйын 21 күнүттэн 22 күнэ уонна ыам ыйын 22 күнүттэн 23 күнэ үүнэр түүннэригэр ыытыллыаҕа. 
Прививка ыларга наадалаах докумуоннар: пааспар, ОМС полиһа уонна СНИЛС. 
Аахсыйа ыытыллар аадырыһа: Ленин проспегын 47 №-рэ, Эстрада театра (урукку «Европа» кулууп). 
Маны таһынан Дьокуускай куорат 3 №-дээх балыыһата баҕалаах дьону вакцинация пууннарыгар сарсыарда 8 чаастан киэһэ 20 чааска диэри ыҥырар диэн санатабыт. 
Пууннар аадырыстара: 
- Дьокуускай куорат, Лермонтов уул., 121
- Хатас сэлиэнньэтэ, Каландарашвили уул., 4/2
- Табаҕа сэлиэнньэтэ, Строительнай уул., 31
- Эргэ Табаҕа, Лесной уул., 12. 
Спутник V (Гам-Ковид-Вак) уонна ЭпиВакКорона вакциналары босхо туруораллар.  Хас биирдии киһини быраас көрөр, ол кэннэ биирдэ быһыы оҥоһуллар.