01.12.2021 | 11:30

29 тулаайах оҕо кыбартыыра ылыаҕа

29 тулаайах оҕо кыбартыыра ылыаҕа
Ааптар: Киин Куорат
Бөлөххө киир

Сэтинньи 30 күнүгэр куорат баһылыга Евгений Григорьев  уонна «Сахатранснефтегаз» АУо генеральнай дириэктэрэ Алексей Колодезников Губин уул., 5/2 дьиэҕэ көрүстүлэр.  Көрсүһүү сыала – тулаайах уонна төрөппүт көрүүтэ-истиитэ суох хаалбыт оҕолору дьиэнэн хааччыйар федеральнай сокуон олоххо киириитин чэрчитинэн бэриллэр кыбартыыралары көрүү. Бу туһунан Уокуруктааҕы дьаһалта пресс-сулууспата иһитиннэрдэ. 
Инники өттүгэр бу аадырыска «Сахатранснефтегаз» АУо офистара бааллар эбит. Тэрилтэ көспүтүн кэннэ олорор дьиэ гынан уларыппыттар, өрөмүөн кэнниттэн 29 кыбартыыра киирэн олороргэ бэлэмнэр. Биир хостоох кыбартыыралар 22,9 кв.м. 43,1 кв.м. диэри иэннээхтэр. Дьиэ бастакы этээһигэр үс подъезд оҥоһуллубут. 
«Дьиэ-уот сыһыаннаһыыларыгар Департамент» МХТ 29 кыбартыыраҕа аукцион биллэриэхтээх, онно «Сахатранснефтегаз» АУо кыттар. 
«Сахатранснефтегаз» АУо генеральнай дириэктэрэ Алексей Колодезников тулаайах уонна төрөппүт көрүүтэ-истиитэ суох хаалбыт оҕолору дьиэнэн хааччыйар судаарыстыбаннай сорук дьоһун суолталааҕын бэлиэтээтэ. 
«Бу саҕалааһыҥҥа олохтоох дьаһалта улахан өйөбүлүн бэлиэтиэхпин баҕарабын. Биллэн турар, кыбартыыралар кээмэйдэрэ кыра, ол эрэн кинилэр тулаайах уонна төрөппүт көрүүтэ-истиитэ суох хаалбыт оҕолору дьиэнэн хааччыйар федеральнай сокуоҥҥа сөп түбэһэллэр», – диэтэ Алексей Колодезников.
Итини сэргэ кини тэрилтэ күүһүнэн дьиэ сырдык уонна сылаас буоларын курдук элбэх үлэ оҥоһуллубутун бэлиэтээтэ. Туспа бырагырааманан муоста итиини тутар гына оҥоһуллубут, ититии систиэмэтэ көннөрүллүбүт.   
«Туох эбит кыһалҕа үөскээтэҕинэ мэктиэлэммит эбэһээтилистибэнэн барытын туорататыахпыт», – диэтэ тэрилтэ салайааччыта.   
Куорат баһылыга Евгений Григорьев бэлиэтээбитинэн, «Сахатранснефтегаз» АУо генеральнай дириэктэрэ национальнай уонна киин куорат социальнай-экономическэй сайдыытыгар туһуламмыт бырайыактар олоххо киирэллэригэр элбэх тэрээһини былааннаабыт, ол иһигэр тулаайах уонна төрөппүт көрүүтэ-истиитэ суох хаалбыт оҕолору дьиэнэн хааччыйыыны. 
««Сахатранснефтегаз» АУо курдук хампаанньалар социальнай эппиэтинэстэрин сыаналыыбыт.  Бэлиэтээн этиэхпин баҕарабын, «Сахатранснефтегаз» тэрилтэ улахан кылааты киллэрэр, Дьокуускай тутуутун ырыынагар тутааччылары кытта таһаарыылаахтык үлэлиир. Кинилэр туһалаах үлэлэрин көмөтүнэн быйыл Лермонтов уонна Петр Алексеев уулуссаларын быһа охсуһуутугар турар дьиэлэртэн 54 олохтоох көһөрүллүөҕэ уонна 29 кыбартыыра тулаайах оҕолорго бэриллиэҕэ», – диэн бэлиэтээтэ куорат баһылыга.
Итини таһынан, Евгений Григорьев олохтоох дьаһалта уонна «Сахатранснефтегаз» АУо социальнай газификация эйгэтигэр бииргэ үлэлээһиннэрэ ураты суолталааҕар болҕомтону уурда. 
«Итини таһынан тэрилтэ инженернэй ситимнэри таһаарыыга бары суол үлэлэригэр кыттар. Ол иһин «Куттала суох уонна хаачыстыбалаах суоллар» национальнай бырайыагынан тутуу киин куоракка тэтимнээхтик ыытыллар», – диэн эбэн эттэ куорат баһылыга.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...