2025 сылга ханнык саҥа уопсастыбаннай туоналар баар буолуохтарын сөбүй?

Кулун тутар 15 – муус устар 30 күннэригэр 2025 сылга тупсарыллар эбийиэктэри быһаарар Бүтүн Арассыыйатааҕы куоластааһын ыытыллар.
Дьокуускай куорат олохтоохторо быйыл маннык уопсастыбаннай туоналарга куоластыыр кыахтаахтар: Гагарин аатынан сквер, Щорс күөлүн кытыла, Сэргэлээх күөлүн кытыла (ДСК оройуона), Теплай күөл кытыла уонна «Ытык сир» паарка (Новопортовской оройуон).
Кулун тутар 15 күнүттэн https://14.gorodsreda.ru/ Бүтүн Арассыыйатааҕы платформаҕа киирэн, ааттаммыт эбийиэктэр бырайыактарын кытта билсиэххэ сөп.
Сэргэлээх күөлүн кытыла
Сэргэлээх күөлүн кытылын территориятын икки чааска араараллар, онон икки сиринэн киириэххэ сөп буолара сабаҕаланар. Кытылга Өйдөбүнньүк сквера оҥоһуллуоҕа.
Бастакы киириинэн бэлисипиэт туруорар сир, кафе эбэтэр эргиэн павильона, хачыаллаах ыскамыайкалар баар булуохтара. Сквергэ фонтаннаах пааматынньык, биллиилээх дьон ааттара суруктаах истиэндэ оҥоһуллуохтара. 
Барыйыактааччылар маны сэргэ муоста быһыылаах тимир арт-эбийиэги киллэрбиттэр.
Сынньалаҥ зонатыгар амфитеатрдаах, көхтөөх сынньалаҥы сөбүлээччилэргэ оҕо оонньуур, спорт балаһааккалара бааллар. Спорт балаһаакккатыгар скейтпарк, волейбол, баскетбол оонньуур хонуулар, воркаут-зона көрүллэллэр.
Иккис киириигэ эмиэ бэлисипиэт туруорар сирдээх, кафе дуу, атын эргиэн эбийиэгэ дуу сабаҕаланаллар. Ордук кэрэхсэбиллээҕэ манна тыы уларсар сирдээҕэ, күөлү кэрэхсиир анал балаһааккалааҕа буолар.