30.01.2023 | 12:44

2023 сылга алта оскуола тэҥинэн тутуллаары турар

2023 сылга алта оскуола тэҥинэн тутуллаары турар
Ааптар: Киин Куорат
Бөлөххө киир

2022 сыллааҕы үлэ отчуотун графигын быһыытынан Евгений Григорьев тохсунньу 27 күнүгэр үөрэх үлэһиттэрин кытта көрсөн, ааспыт сыл ситиһиилэрин уонна Учуутал уонна настаабынньык сылын соруктарын тула кэпсэттэ.  

«Үөрэҕирии» национальнай бырайыагынан 2022 сылга Дьокуускай куоракка 11 үөрэх тэрилтэтигэр хапытаалынай өрөмүөн ыытыллыбыт, маны таһынан 2 оскуола өрөспүүбүлүкэ уонна куорат бүддьүөттэринэн өрөмүөннэммит.   Саҥа оскуолалары тутууга сүҥкэн болҕомто ууруллар. 2022 сылга «Прометей» түөлбэҕэ 990 миэстэлээх оскуола тутулунна. Маны сэргэ 5 уонна 12 №№-дээх оскуолаларга туһааннааҕынан 274 уонна 326 миэстэлээх салҕааһыннар тутулуннулар. Хатаска «Точка роста» эбии үөрэхтээһин киинэ, 145-с кыбаарталга К. Цеткин уул., Юнармия дьиэтэ үлэҕэ киирдилэр.  Үүммүт 2023 сылга «Үөрэҕирии» национальнай бырайыак чэрчитинэн 14 үөрэх кыһатыгар, ол иһигэр 13 оскуолаҕа баараҕай үлэ ыытыллаары турар.   26 №-дээх уонна Хатас оскуолатын салҕааһыннарын тутуу түмүктэниэхтээх, 29 №-дээх оскуолаҕа салҕааһын тутуллуохтаах.  Пирогов уулуссатыгар турар 4 №-дээх коррекционнай оскуоланы, Кадеттар оскуолаларын тутуу салҕанар, ДСК оройуонугар 990 миэстэлээх оскуола тутуллар.  Евгений Григорьев бэлиэтээбитинэн, киин куоракка 6 оскуола тэҥинэн тутуллар.   2023 сылга биллэриллибит Учуутал уонна настаабынньык сылынан БКЭ эксээмэнигэр 100 баалы ылбыт оҕолору бэлэмнээбит учууталларга 100 тыһ. солк. кээмэйдээх бириэмийэ олохтоммута. Итинник суумалаах бириэмийэ саха тылын учууталларыгар эмиэ туттарыллар. Маны сэргэ «Үөрэҕирии эйгэтин бочуоттаах настаабынньыга» анал аат олохтонуоҕа.  Үөрэх хаачыстыбатын тупсарыы, ол иһигэр БКЭ көрдөрүүтүн үрдэтии иитинэн, Ил Дархан Айсен Николаев бэлиэтээбитин курдук, 2024 сылга дойду 15 бастыҥ регионун иһигэр киирэр сүҥкэн сорук турар.   Үөрэхтээһин биир сүрүн хайысхата – төрөөбүт дойдуга бэриниилээх ыччаты иитии. 2022 сылга куорат бары оскуолаларыгар патриотическай иитиигэ уонна оҕо уопсастыбаннай тэрилтэлэрин кытта үлэҕэ сүбэһит дуоһунаһа арыллыбыта. Дойду бары оскуолаларыгар бэнидиэнньик ахсын «Разговоры о важном» кылаас чаастара ыытыллаллар.   Эт-хаан өттүнэн иитиигэ баһылык Евгений Григорьев Үөрэнээччилэр спартакиадаларын ыытарга этии киллэрдэ.   Үөрэх үлэһиттэрэ «Үөрэхтээһин» национальнай бырайыак иитинэн оҕо саадтарын, эбии үөрэхтээһин тэрилтэлэрин уонна оҕо сайыҥҥы лааҕырдарын өрөмүөннээһин, тутуу, салҕааһын оҥоруу боппуруостарын көрөргө этии киллэрдилэр. Чуолаан, 10 №-дээх «Туллукчаан» оҕо саадыгар салҕааһын тутуллара наадатын эттилэр.   Глобальнай үөрэхтээһин киинэ күһүҥҥү уонна сааскы сынньалаҥҥа ыытыллар тэрээһиннэргэ оҕолору итии аһылыгынан хааччыйыы боппуруоһун көрөргө көрдөстө. IT-куб бэрэстэбиитэллэрэ оҕолор бырайыактарын өйүүр сыалтан Баһылык гранын олохтууру көҕүлээтилэр. Куорат лицейэ саахалланар туруктаах дьиэҕэ үлэлии олороллорунан саҥа оскуола тутар уолдьаспытын эттэ.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Оҕуруотчут кистэлэҥнэрэ
Тускар туһан | 23.05.2024 | 18:00
Оҕуруотчут кистэлэҥнэрэ
Кылгас, ол эрээри өҥүрүк куйаас сайыннаах Сахабыт сиригэр эгэлгэ сибэккилэри, оҕуруот аһын арааһын үүннэрэн ылабыт. Сылтан сыл аайы соҕуруу дойдуга силигилии үүнэр сонун үүнээйилэр көрүҥнэрин олордон,  тиэргэммит, дьиэбит  кэрэ көстүүлэнэр, ону тэҥэ оҕуруот аһыттан, отонноох талахтартан кэнсиэрбэлэри, хомпуоттары оҥосторбут элбээтэ.    Бастыҥ тиэргэннээх  хаһаайка Мин бүгүн сайыҥҥы сырал күннэргэ ис сүрэхтэн...