2023 сыл - Саха сиригэр Үлэ сыла
2022 сыл ахсынньы 19 күнүгэр Ил Дархаммыт Айсен Николаев Ил Түмэҥҥэ Илдьитигэр 2023 сылы Саха Өрөспүүбүлүкэтигэр Үлэ сылынан биллэрбитэ. Инньэ гынан үүммүт сыл сүрүн соругунан үлэ киһитин өрө тутуу буолуоҕа.
Айсен Сергеевич сыл устата 50 үлэ бастыҥнара 300 тыһ. солк. суумалаах бириэмийэни ылар буолуохтара диэбитэ. Оттон бастыҥнарынан ханнык салаа үлэһиттэрэ хото буолуохтарай? Үлэ бары да салаатыгар бастыҥнар баар бөҕө буоллахтара.
Мин тус бэйэм, өрөспүүбүлүкэ биир олохтооҕун быһыытынан, санаабын эрдэттэн этэ турдахпына, тыа сирин боростуой, кыра-хара (ким да өһүргэммэт ини) үлэһит дьоно умнуллубаттара буоллар диибин.
Оттон биһиги Ил Дархаммыт ити биллэрбит Үлэ сылын туһунан "Олох туруктаах буоларын туһугар үлэни уонна үлэһит киһини өрө тутуохтаахпыт.
Билиҥҥи быһыыга-майгыга үлэ боппуруостара инники күөҥҥэ сылдьыахтаахтар. Саха сирин хас биирдии олохтооҕо тустаах үлэтин эппиэтинэстээхтик, эҥкилэ суох үчүгэйдик толорорго дьулуһуохтаах. Ол хас биирдиибитигэр сыһыаннаах. Оҕолор, устудьуоннар үөрэхтэригэр кыһамньылаахтык билиини-көрүүнү баһылыахтаахтар. Хас биирдии киһи бэйэтэ санаата сытар үлэлиир миэстэлээх буолуохтаах" диэн дириҥ ис хоһоонноох этиини эппитэ.
Дьэ, онон үлэлии сылдьар дьон өссө төгүл "үлэ - дьол" диэн санаан баран иннигит диэки өссө күүскэ түһүнэн кэбиһиҥ.
Сонуннар
Ордук ааҕаллар
