07.11.2021 | 17:30

2022 сылтан кумааҕы больничнай суох буолар

2022 сылтан кумааҕы больничнай суох буолар
Ааптар: Айыына Ксенофонтова

2022 сыл тохсунньу 1 күнүттэн Арассыыйа үрдүнэн кумааҕы больничнай суох буолар, быраастар бу докумуону электроннай эрэ көрүҥүнэн биэрэр кыахтаныахтара.

2017 сыл от ыйын 1 күнүттэн медицина тэрилтэлэригэр “Электронный листок нетрудоспособности” диэн бырайыак олоххо киирэн барбыта.

Социальнай страхование пуондата иһитиннэрбитинэн, билигин Саха сирин үрдүнэн 86 медицина тэрилтэтэ больничнайы электроннай көрүҥүнэн биэрэр, бу көрдөрүү 85,1% тэҥнэһэр.

2021 сыл от ыйын 1 күнүнээҕи туругунан, барыта 558 672 электроннай больничнай суруллубут.

Быйылгы сыл тохсунньу 1 күнүттэн бэс ыйын 30 күнүгэр диэри медицина тэрилтэлэрэ пуонда порталыгар 131 373 электроннай больничнай толоруллан киирбит. Бу 2020 сыл көрдөрүүтүттэн 33% үрдүк.

Отчуот чахчылара этэллэринэн, сыл бастакы аҥаарыгар өрөспүүбүлүкэ үрдүнэн 15 761 больничнай кумааҕыга суруллан бэриллибит.

Эһиилгиттэн больничнай кумааҕыга бэриллибэт буолар, электроннай көрүҥҥэ толору көһөрүллэр. Онон бу иннинэ “электроннай больничнайы билиммэппин, кумааҕыга суруйан биэриҥ” диирбит тохтуур.

Босуобуйаны – сайабылыанньата суох
2022 сыл тохсунньу 1 күнүттэн хат дьахталларга төлөнөр босуобуйа уонна оҕо төрөөтөҕүнэ бэриллэр биир кэмнээх босуобуйа үлэлиир гражданнарга быһа (автоматическай көрүҥүнэн) ананар буолуоҕа. Ол эбэтэр сайабылыанньа суруйар наадата суох. Бу туһунан mintrud.gov.ru cайтка суруллар. 
Ону таһынан, эһиилгиттэн электроннай көрүҥҥэ көһөрбүтүнэн сибээстээн үлэһит тэрилтэ салалтатыгар больничнай лиис төлөттөрөрүгэр докумуон аҕалан туттарара ирдэммэт. Бу туһунан Бырабыыталыстыба уурааҕа Арассыыйа үлэҕэ министиэристибэтин уопсастыбаннай дьүүллэһиитигэр туруоруллубут.  
Гражданин сайабылыанньа суруйбатын, төлөбүрдэр киирэ туралларын курдук, үлэ биэрээччи уонна Пуонда хардарыта сыһыаннарын бэрээдэгэ уларыйар. 
Үөһэ этиллибитин курдук, эһиил тохсунньу 1 күнүттэн электроннай эрэ больничнай толоруллар буолар. Булгуччулаах социальнай страхование чэрчитинэн ананар уонна төлөнөр босуобуйа ФСС эрэ нөҥүө оҥоһуллар. Пуондаҕа хамнас кээмэйин, хат дьахтар уоппускаҕа барбытын, оҕоломмутун туһунан иһитиннэриини үлэ биэрээччи тиэрдэр, оттон оҕо төрөөбүтүн туһунан – ЗАГС информационнай систиэмэтэ. Бу дааннайдарга олоҕуран, Пуонда тустаах босуобуйаны аныыр.

Билэҕин дуо?

Педиатр быраас больничнай хайа да көрүҥэр төрөппүт тоҕо кыайан үлэлиир кыаҕа суоҕун, биричиинэтин анал кодунан ыйар. Онон босуобуйа  төлөнөр болдьоҕо быһаарыллар.

09 – дьиэ кэргэҥҥэ ыарыһах киһини көрүү-харайыы

12 – 7 сааһыгар диэри оҕо ыалдьыбыт түгэнигэр (анал испииһэккэ киирбит ыарыынан)

13 – инбэлиит оҕо

14 – оҕо вакцина кэнниттэн ыарыйдаҕына эбэтэр оҕоҕо кутталлаах искэн булулуннаҕына

15 – ВИЧ сыстыбыт оҕото

Оҕо төһөнөн ыараханнык ыалдьар да, төрөппүт (оҕону көрөр-харайар дьиэ кэргэн атын чилиэнэ) оччонон уһун болдьоххо больничнайга олорор, босуобуйа төлөттөрөр бырааптаах.

Төрөппүт быраас больничнайы хайдах толорбутун ФСС өҥөтүн ылар тус кабинетыгар киирэн көрүөн, хонтуруоллуон сөп. Ону таһынан “Социальный навигатор” диэн мобильнай сыһыарыыга “Электронные листки нетрудоспособности” диэн салааҕа бэрэбиэркэлиир кыахтаах.

Сонуннар

28.05.2022 | 11:57
Клещ кэллэ!

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Сааскы Ньукуолун — күөххэ үктэнии өрөгөйө
Тускар туһан | 20.05.2022 | 14:00
Сааскы Ньукуолун — күөххэ үктэнии өрөгөйө
Ыам ыйын 22 күнэ – сааскы Ньукуолун. Кыһыҥҥы Ньукуолун ахсынньы 19 күнүгэр бэлиэтэнэр (День святого Николая Чудотворца) Таҥара дьиэтин  бырааһынньыга.   Саха дьонугар былыр-былыргыттан сааскы Ньукуолун күнэ олус ытыктанар, улахан суолталаах, күүтүүлээх. Бу күн уһун кыһыны этэҥҥэ туораан, күөххэ үктэнии үөрүүтэ-өрөгөйө буолар. Мөккүөрдээх соҕус да буоллар, бу күнү сорохтор өссө саха...
Бүтүн агробөһүөлэги туттарбыт салайааччы
Дьон | 22.05.2022 | 12:00
Бүтүн агробөһүөлэги туттарбыт салайааччы
Үлэ ситиһиилээх буолуутун төрдө – сатабыллаах, далааһыннаах быһаарыныылары ылынар салайааччы. Өссө ааспыт үйэ 60-с сылларыгар, этэргэ дылы, үрэх баһа дойдуга бүтүн агробөһүөлэги туттаран бүгүн даҕаны уос номоҕор сылдьар бөдөҥ салайааччы Иван Васильевич Николаев туһунан “Бырааттыы Мординовтар” музейы салайар Сардана Александровна Васильевалыын кэпсэттибит.   – Сардана Александровна,  Саха АССР төрүттэммитэ 100 сылынан...