31.12.2020 | 18:36

2021 сылга туох уларыйыы кэтэһэрий?

2021 сылга туох уларыйыы кэтэһэрий?
Ааптар: Киин Куорат

Арассыыйа олохтоохторугар COVID-19 дьаҥтан быһыыны туруоруохтара. Саха сиригэр олунньуттан вакцинация саҕаланара былааннанар.

Арыгы уонна табах сыаната добуочча ыарыаҕа.

Олох-дьаһах коммунальнай өҥөтүгэр сыана ыарыаҕа.

Чунуобунньуктарга сарбыйыы барыаҕа.

IT-хампаанньалар нолуоктара кыччыаҕа.

Сылга 5 мөлүйүөнтэн элбэх дохуоту киллэрэр дьонтон 15 бырыһыан нолуогу (НДФЛ) тутар буолуохтара. Ол аата Арассыыйа эһиилгиттэн биир кэлим нолуоктааһынтан тахсар.

Ийэ хапытаала 3,7 % индексацияланыаҕа. Бастакы оҕоҕо бэриллэр хапытаал 466 617 солкуобайтан 483 882 солк. буолуоҕа, иккис оҕоҕо 616 617 солкуобайтан 639 432 солк. диэри үрдүөҕэ. Дьиэ кэргэн бастакы оҕоҕо хапытаалы номнуо ылбыт буоллаҕына, иккис оҕоҕо 155 550 солк. бэриллэр. Барыллаан ааҕыынан үрдэтиллибит Ийэ хапытаалын 1,2 мөлүйүөн ыал туһаныаҕа.

Биэнсийэ улаатыаҕа. Тохсунньу 1 күнүттэн үлэлээбэт биэнсийэлээхтэргэ 6,3 бырыһыан индексацияланыаҕа.

Таҥас маркировкаланыаҕа. Чэпчэки промышленнас оҥорон таһаарар бородууксуйата булгуччулаах маркировкалааһыны ааһыаҕа. Манна тирииттэн, трикотажтан таҥастар, соннор, кууркалар, ветровкалар, утуйар таҥас, о.д.а барыта киирэр.

Ювелирнай оҥоһуктар маркировкаланыахтара. Эмиэ таҥас курдук ювелирнай киэргэл барыта анал нүөмэрдээх буолуоҕа. Сыл аҥаарынан маркировката суох киэргэллэри атыыга таһаарары бобуохтара.

Биэнсийэ кээмэйин туһунан иһитиннэриилэр кэлэр буолуохтара. 2021 сылтан ыла 45-тэрин ааспыт дьоҥҥо сылга үстэ Пенсионнай пуондаттан иһитиннэрии кэлэр буолуоҕа. Киһи үксэ бу сааһыгар тиийэригэр биэнсийэтин хапытаала оҥоһуллубут буолар, ол иһин кэлэр биэнсийэлэрэ төһө буолуоҕун билиэхтээх.

ОДьКХ субсидиятын ылар судургу буолуоҕа. Саҥа дьылтан субсидия ыларга иэһэ суоххут туһунан ыспыраапканы ылыы наадата суох буолар. Олохтоохтор иэстээхтэрин, иэстэрэ суоҕун туһунан дааннайдары ОДьКХ информационнай систиэмэтиттэн быһаччы ылар кыах үөскүөҕэ.

Роскомнадзор сайтары барытын кэтиир буолуоҕа. Дьон бэйэ-бэйэтин кытта кэпсэтэр сирдээх сайтар бу туһунан судаарыстыбаны сэрэтэллэрэ булгуччу ирдэниэҕэ. Бырабыыталыстыба уурааҕа тохсунньу 1 күнүттэн олоххо киирэр.

Гостиницалар үлэлэрэ уларыйыаҕа. Ханнык баҕарар отель ханнык категорияҕа киирэрин туоһулуур докумуоннаах буолара, 50 хостоох гостиницаҕа ресепшн суукканы эргиччи үлэлиирэ ирдэниэҕэ.

Тиэргэн иһигэр кутаа уоту оттор бобуллар. 2021 сылтан баһаары утары саҥа быраабылалар киирэллэр. Уопсай сиргэ уоту оттор бобуулааҕын таһынан, аны чааһынай дьиэ тиэргэнин иһигэр сыыһы уматар кытта бобуллар.

Тэйиччиттэн олорон үлэлээһин ньымата сокуонунан бигэргэниэҕэ. Бу сокуон тохсунньу 1 күнүттэн олоххо киирэр.

Хамнас алын кээмэйэ (МРОТ) уонна олох таһымын алын кээмэйэ (прожиточный минимум) атыннык ааҕыллыаҕа. Билигин бу алын кээмэйдэри ааҕарга потребитель корзината учуоттанар эбит буоллаҕына, билигин орто хамнас таһыма аахсыллар буолуоҕа. Ол түмүгэр саҥа сылтан хамнас алын кээмэйэ 5,5 %, олох таһымын алын кээмэйэ 3,7 % үрдүөхтэрэ.

Кумааҕы үлэ киниискэтэ туттуллубат буолар.

Суоппар аптечкатын бэйэтэ таҥар бырааптанар. Урукку курдук стандартка олоҕурар аптечканы ылыы булгуччулаах буолан бүтэр. Саҥа аптечкаҕа 2 мааска, 2 паара бэрчээкки, жгут, 4 биинтэ, маарыла салфеткалар, лейкопластырь уонна кыптыый баар буолара эрэ ирдэниэҕэ.

Сонуннар

Ордук ааҕаллар

Баһылык итирдэр утахтары атыылыыр быраабылаларга сыһыаннаах этии киллэрдэ
Сонуннар | 15.07.2021 | 13:00
Баһылык итирдэр утахтары атыылыыр быраабылаларга сыһыаннаах этии киллэрдэ
Куорат баһылыга Евгений Григорьев уопсастыбаннай аһыыр сирдэри кэҥэтэр уонна арыгы атыылыыр сирдэри социальнай эбийиэктэртэн тэйитэр туһунан этии киллэрдэ. Ол туһунан кини «Сахамедиа» медиа-кииҥҥэ ыытыллыбыт «Дополнительные ограничения времени, условий и мест розничной продажи алкоголя в Якутии» дискуссияҕа эттэ.  Баһылык ВОЗ дааннайдарынан арыгыттан сылтаан өлүү Арассыыйа 100 тыһыынча олохтооҕор ылан көрдөххө эр...
Дойдууна: «Сулус — халлааҥҥа, киһи — сиргэ»
Дьон | 17.07.2021 | 13:00
Дойдууна: «Сулус — халлааҥҥа, киһи — сиргэ»
Кинини  айылҕаттан ураты экстрасенс, сүппүт дьону булааччы быһыытынан сахалар эрэ буолбакка, өрөспүүбүлүкэ тас өттүгэр олорооччулар эмиэ билэллэр. Бүгүҥҥү кэпсиир дьоруойум “Саха сирин экстрасенстара – 2015” күрэххэ “Лучший экстрасенс Якутии” ааты сүкпүт ДОЙДУУНА. Дойдууна элбэх оҕолоох ыалга төрөөбүтэ, кинилэр бииргэ төрөөбүт тохсуолар. Хаҥалас улууһа киинэ түспүт, сиргэ үктэммит дойдута буолар. Ийэтэ...
Больничнай 100 бырыһыан төлөнөр буолла
Тускар туһан | 18.07.2021 | 11:30
Больничнай 100 бырыһыан төлөнөр буолла
8 саастарын туола илик оҕолор ыарыйдахтарына бэриллэр бүлүтүөн  төлөнүүтэ дьэ уларыйда.  Балаҕан ыйын 1 күнүттэн 8-тарыттан кыра саастаах оҕо ыарыйдаҕына, төрөппүтүгэр “больничнай илиис” төлөбүрэ хамнас 100%-гар тэҥнэһиэҕэ. Билигин бу төлөбүр үлэ ыстааһыттан эрэ тутулуктаах. Эдэр төрөппүттэр ыстаастара кыра буоллаҕына, «больничнай илиис» төлөбүрэ хамнастарынааҕар төһө эмэ кыра буолар.  “Больничнай” төлөбүрүн үрдээһинэ...
Аан дойду 2021 — чемпионката
Спорт | 22.07.2021 | 18:28
Аан дойду 2021 — чемпионката
Бу күннэргэ улаханнык үөрдүбүт Матрена Ноговицынаны кытта 100 харахтаах дуобакка аан дойду чемпионката буолбутунан төлөпүөнүнэн  эҕэрдэлээн интервью ыллым. Матрёна Ноговицына – 1991 с. сэтинньи 6 күнүгэр Чурапчы улууһугар Мугудайга төрөөбүтэ.  64-100 харахтаах дуобаттарга  араас саастаахтарга  аар-саарга кыайыыларын аахпакка, аҥаардас 100 харахтаах дуобакка дьахталларга эрэ ситиһиилэрэ маннык: 2004 сылтан  Арассыыйа дьахталларга...