20000 тахса киһи вакциналанна

Олунньу 2 күнүнээҕи туругунан, коронавирус утары вакцинаны 20 485 Саха сирин олохтооҕо ылла. Бу туһунан өрөспүүбүлүкэтээҕи суһал штаб салайааччытын солбуйааччы Ольга Балабкина иһитиннэрдэ.

Быһыы Дьокуускай куоракка уонна өрөспүүбүлүкэ атын оройуоннарыгар, улуустарыгар ыытылла турар.

Киин куоракка 7 907 киһи быһыыны ылла, Нерюнгригэ — 1 002, Алдаҥҥа — 840, Бүлүүгэ — 766 киһи.

Аҕыйах киһи Аллараа Халымаҕа — 30, Булуҥҥа — 55, Өлүөхүмэҕэ — 108, Үөһээ Дьааҥыга — 255 киһи ылла.

COVID-19 утары вакцина өрөспүүбүлүкэ бары улуустарыгар тарҕаммыта.