200 тыһыынчаттан тахса киһи куоластаата

Бэс ыйын 29 күнүн киэһэ 20.00 чаастааҕы туругунан, Конституцияҕа уларытыылары киллэриигэ куоластааһыҥҥа 203 368 Саха сирин олохтооҕо кытынна, ол испиһэккэ баар дьон 31,52 бырыһыана буолар.

Саамай элбэх киһи Өлөөҥҥө (63,55 %), Үөһээ Бүлүүгэ (59,18 %), Уус Алдаҥҥа (54,30 %), Горнайга (53,55 %), Тааттаҕа (53,22 %) куоластаатылар. Куоластаабыт дьон ахсааныттан 126 883 киһи дьиэлэригэр куоластаатылар.

Арассыыйа сүрүн сокуонугар Конституцияҕа уларытыылары киллэрии иһин куоластааһын бүтэһик күнэ – от ыйын 1 күнэ.