17-с кыбаарталтан көһөрүү

Норуокка «17-с кыбаартал» диэнинэн биллэр Строительнай уокурук 2а, 2б, 2г, 4а, 4б, 4в, 17 кыбаарталларыттан Өрөспүүбүлүкэтээҕи «2019-2025 сылларга нэһилиэнньэни хаарбах дьиэттэн көһөрүү» аадырыстаах бырагырааманан 11 элбэх кыбартыыралаах дьиэ көһөрүлүннэ, диэн иһитиннэрэр киин куораттааҕы Дьиэ-уот сыһыаннаһыыларыгар департамент.

Үс хаарбах дьиэттэн иккитэ көтүрүлүннэ, олохтоохтор муниципальнай бырагырааманан көһөрүлүннүлэр, биир дьиэҕэ биир кыбартыыра көһөрүллэ илик, ол эрээри күүс өттүнэн көһөрүүгэ суут быһаарыыта баар.

Икки хаарбах дьиэ 2020 сыл алтынньы 2 күнүгэр «Территориялары сайыннарыы агентствота» Муниципальнай сакаасчыт сулууспата ХЭТ кытта түһэрсиллибит сөбүлэҥ иитинэн 2025 сыл ахсынньы 31 күнүгэр диэри көһөрүллүөхтэрэ.

160 элбэх кыбартыыралаах дьиэ, ол иһигэр сокуонунан көһөрүллэргэ уонна көтүрүллэргэ билиниллэ илик 6 дьиэ, Саха Өрөспүүбүлүкэтин Бырабыыталыстыбатын 2023 сыл олунньу 28 күнүнээҕи 149-р №:дээх 2а, 2б, 2г, 4а, 4б, 4в, 17 кыбаарталлары комплекснай сайыннарыы туһунан дьаһалынан көһөрүллүөхтэрэ.

Саха Өрөспүүбүлүкэтин Бырабыыталыстыбатын территориялары комплекснай сайыннарыы туһунан быһаарыытын олоххо киллэрэр юридическай сирэйинэн «Өрөспүүбүлүкэтээҕи ипотека агентствота Сакаасчыт сулууспа АУО анаммыта.

Бастакынан социальнай суолталаах эбийиэктэри, ол эбэтэр оҕо саада уонна спорт комплекса тутуллар миэстэлэригэр турар 5 дьиэ көтүрүллэрэ былааннанар - Жорницкай уул., 40, 42, Пионерскай уул., 8/2, Якутская уул., 12, 14.

Докумуоннары тутуу Дьиэ-уот сыһыаннаһыыларыгар департамеҥҥа ыытыллар: Дьокуускай к., Дзержинскэй уул., 21, 8-с каб., үлэлиир бириэмэтэ: 09.00-12.00 чч., төлөпүөн: 22-60-48. 

Көһөрүү болдьоҕун уонна усулуобуйатын туһунан консультациялары «Өрөспүүбүлүкэтээҕи ипотека агентствота» Сакаасчыт сулууспата АУо 508-630 төлөпүөнүнэн эбэтэр: Дьокуускай к., Орджоникидзе уул., 17 аадырыһынан ылыахха сөп. Үлэлиир бириэмэлэрэ: 08.30 - 18.00 чч., эбиэккэ тохтобул: 12.30-14.00 чч.