17-с кыбаартал бастакы 5 дьиэтин Олохтоох дьаһалта көһөрөр

Дьокуускай куорат 17-с кыбаарталын хаарбах мас дьиэлэриттэн (2а, 2б, 2г, 4а, 4б, 4в, 17) нэһилиэнньэни көһөрүү салҕанар.
Былаан быһыытынан бастакынан оҕо саада уонна спорт комплекса курдук социальнай эбийиэктэр тутуллуохтаах миэстэлэригэр турар 5 дьиэ көһөрүллэр — Жорницкай уул., 40, 42, Пионерскай уул., 8/2 уонна Якутская уул., 12, 14. Бу дьиэлэри көһөрүүгэ Дьокуускай куорат Олохтоох дьаһалтата эппиэттээх.
Бүгүҥҥү күҥҥэ хаһаайыттарга дьиэ сыанатын төлүүргэ 6 сөбүлэҥ түһэрсиллибит. Маны таһынан Жорницкай, 40, 42 уонна Пионерскай уул., 8/2 олохтоохторугар дьиэ атыылаһарга муниципальнай хантараактар түһэрсиллибиттэр. Якутская уул., 12, 14 дьиэлэр олохтоохторугар дьиэ атыылаһалларыгар уонна компенсация төлүүргэ үлэ ыытыллар. Онон бу дьиэлэргэ кыбартыыралаахтары, докумуоннарын ситэ туттара илик буоллахтарына, Дьиэ-уот сыһыаннаһыыларыгар департамеҥҥа күүтэллэр: Дзержинскэй уул., 21, 8 каб., гражданнары приемнуур бириэмэ: 09:00 чаастан 12:00 чааска диэри. Билсэр төлөпүөн: 22-60-48.
Мантан атын 160 дьиэни Саха Өрөспүүбүлүкэтин бырабыыталыстыбатын 2023 сыл олунньу 28 күнүнээҕи 149-р №-дээх «Дьокуускай куорат 2а, 2б, 2г, 4а, 4б, 4в, 17 кыбаарталларын кэлимник сайыннарыы туһунан» дьаһалынан Өрөспүүбүлүкэтээҕи ипотека агентствота көһөрөр.
Сиһилии консультацияны «Өрөспүүбүлүкэтээҕи ипотека агентствота» Сакаасчыт сулууспата АУо 508-630 төлөпүөнүнэн эбэтэр Орджоникидзе уул., 17 ылыахха сөп. Үлэлиир бириэмэлэрэ: 08:30 - 18:00 чч., эбиэккэ тохтобул: 12:30 - 14:00 чч. Ол туһунан Дьиэ-уот сыһыаннаһыыларыгар департамент иһитиннэрэр.