01.07.2020 | 08:58

15 тыһ. дьиэ кэргэн эбии төлөбүрү ылла

15 тыһ. дьиэ кэргэн эбии төлөбүрү ылла
Ааптар: Киин Куорат

Арассыыйа бэрэсидьиэнэ Владимир Путин көҕүлээһининэн, үстэриттэн сэттэлэригэр диэри саастаах оҕолорго пандемия кэмигэр көрүллэр эбии төлөбүрү Саха сирин 15 тыһыынча кэриҥэ дьиэ кэргэнэ тутта.

«Ыам ыйын 20 күнүттэн, бу төлөбүрү ылыыга 40 тыһыынчаттан тахса сайабылыанньа киирдэ. Бэс ыйын 25 күнүн туругунан, буосуобуйа 15 тыһыынча дьиэ кэргэҥҥэ ананна. Эбии төлөбүр уопсайа 21 тыһыынча оҕоҕо төлөннө», — диэн СӨ үлэҕэ министиэристибэтин пресс-сулууспата иһитиннэрэр.

Анаммыт босуобуйалар уопсай суумалара 781,4 мөлүйүөн солкуобайга тэҥнэспитэ бэлиэтэнэр.

Бу төлөбүр үс сааһыттан сэттэ сааһыгар диэри оҕолордоох, сайабылыанньа бэриллиэн иннинээҕи сыл иккис кыбаарталын түмүгүнэн, биир киһиэхэ ирдэнэр тиийинэн олоруу алын кээмэйиттэн намыһах дохуоттаах дьиэ кэргэттэргэ көрүллэр.

Хотугу уонна арктическай оройуоннар олохтоохторугар олох таһымын алын кээмэйэ – 20 044 солкуобайга тэйнэһэр (I зона), атын оройуоннарга – 16 780 солкуобай (II зона).

Биир оҕоҕо көрүллэр ыйдааҕы төлөбүр кээмэйэ тиийинэн олоруу алын кээмэйин 50 %-гар тэҥнэһэр: I зонаҕа – 10 274 солкуобай, II зонаҕа – 8 651 солкуобай. Дьиэ кэргэн үһүттэн сэттэтигэр диэри хас да оҕолоох буоллаҕына, босуобуйа хас биирдии оҕоҕо ананар.

Ыйдааҕы эбии төлөбүрү ыларга судаарыстыбаннай өҥө порталын нөҥүө сайабылыанньа биэрии ирдэнэр.

Сонуннар

Ордук ааҕаллар

Тыыннаахпыт тухары бүппэт кыһалҕалар
Куорат олоҕо | 24.06.2022 | 16:00
Тыыннаахпыт тухары бүппэт кыһалҕалар
«Кыһалҕа, муҥ тиити буолбакка, киһини кэрийэр» диэн сахалар өс хоһоонноро баар. Киһи олорорун тухары кыһалҕаны, ыарахаттары көрсөр, ону туоратарга дьулуһар. Онуоха салалта, дьаһалта өттүттэн эмиэ кыһаллаллар, араас уураахтары, дьаһаллары таһааран олохпут чэпчиирин туһугар туруулаһаллар. Ол да буоллар, ол эрэн... дииргэ тиийэбит.   Илин эҥэрдэр паром кыһалҕалаахтар Муоста, муоста диибит да, ол...
Дьиэ кэргэн бизнеһин өйүүр киин арылынна
Сонуннар | 27.06.2022 | 17:39
Дьиэ кэргэн бизнеһин өйүүр киин арылынна
Бэс ыйын 27 күнүгэр Дьокуускайга Дьиэ кэргэн бизнеһин өйүүр киини арыйдылар. Киин күлүүһүн вице-премьер Ольга Балабкинаҕа үөрүүлээх быһыыга-майгыга туттарыы сиэригэр-туомугар Арассыыйатааҕы Атыы-эргиэн палататын вицэ-бэрэсидьиэнэ Елена Дыбова туттарда. Арассыыйа үрдүнэн бу төрдүс киин үлэлээтэ. Эрдэ маннык кииннэр Нижний Новгородка, Уфаҕа, Рязань куоракка бааллар. Киин арыллыыта Саха АССР үбүлүөйдээх сылыгар сөп түбэспитэ...