10 тыһыынчаттан тахса үөрэнээччи вакцинацияны ааста
Үөрэх дьыла саҕаланыаҕыттан Үөрэх управлениета нэдиэлэ аайы хас оҕо ыалдьыбытын уонна быһыыны ылбытын кэтээн көрөр. Ол курдук, балаҕан ыйын 22 күнүнээҕи туругунан 10 тыһыынча 409 үөрэнээччи, ол эбэтэр 22 % вакцинацияны ааспыт. Бу туһунан кэтээн көрүү уонна үөрэх хаачыстыбатын салаатын начаалынньыга Мирослав Афанасьев иһитиннэрэр.
“Үөрэх тэрилтэлэригэр грипп уонна ОРВИ утары вакцинация эрдэттэн бигэргэтиллибит графигынан салҕанар. Төрөппүт барыта сөбүлэҥин биэрэр диир кыах суох. 1, 3 тыһыынча төрөппүт (сокуоннай бэрэстэбиитэл), ол эбэтэр оҕо уопсай ахсааныттан 3, 1 % быһыы туруорартан аккаастанна. Өскөтүн дьон прививкаттан аккаастанар буоллаҕына, кэлэктиип иммунитета бөҕөргүө суоҕа. Төрөппүттэр быраастары кытта сүбэлэһэллэригэр, төһө кыалларынан вакцинацияттан аккаастамматтарыгар ыҥырабыт. Метотвод эрэ аккаас төрдө буолуон сөп”, – диэтэ Мирослав Николаевич.
Санатан аастахха, балаҕан ыйын 21 күнүттэн 5, 9, 10 уонна 11 кылаас оҕолоро оскуолаҕа үөрэнэллэр. Оттон 6, 7, 8 кылаастар дистанционнай көрүҥүнэн салгыы үөрэнэллэр.
“Дистанционнай көрүҥүнэн үөрэнэ олорор оҕолор болдьоммут күҥҥэ оскуолаҕа ыҥырыллан быһыы ылыахтара эбэтэр бэйэлэрэ көрдөрүнэр балыыһаларыгар тиийэн вакцинацияны ааһыахтарын сөп”, – диэтэ Мирослав Афанасьев.
| Роспотребнадзор Саха сиринээҕи управлениета иһитиннэрэринэн, грипп утары вакцинацияны босхо ааһыахтарын сөп: тэрилтэтэ суох оҕолор (6 ыйдарыттан саҕалаан);оҕо уһуйааннарын иитиллээччилэрэ;1-11 кылаас үөрэнээччилэрэ;устудьуоннар;медицина, үөрэх тэрилтэтин, тырааныспар, коммунальнай эйгэ үлэһиттэрэ;социальнай тэрилтэ үлэһиттэрэ уонна онно эмтэнэр дьон;ааспат-арахпат ыарыылаах дьон;60-тан үөһэ саастаахтар;хат дьахталлар (2-3 триместр);байыаннай сулууспаҕа ыҥырыллааччылар; Босхо вакцинацияны олорор эбэтэр үлэлиир сиргитигэр баар поликлиникаҕа тиийэн ааһаҕыт. Маны таһынан үөрэнэр эбэтэр үлэлиир тэрилтэҕитигэр биригээдэ тиийиэн сөп. |
Сонуннар
Ордук ааҕаллар
