1-гы №-дээх оскуола саҥа дьиэтэ тутуллуоҕа

Санатар буоллахха, оскуола икки этээстээх дьиэтэ эргэрэн көтүрүллүбүтэ. Кини миэстэтигэр, урукку стилистикатын тутуһан, саҥа түөрт этээстээх дьиэ тутуллуохтаах.

Тутуу министиэристибэтин информациятынан, Судаарыстыбаннай экспертиза бырайыак докумуоннарын уонна инженернэй чинчийии түмүктэрин биһирээтэ, тутуу ыытыллар буолла.

Оскуола тутуута «Саха Өрөспүүбүлүкэтигэр 2020-2024 уонна былааннаммыт 2026 сылларга үөрэҕирии сайдыыта» судаарыстыбаннай бырагыраама чэрчитинэн,  федеральнай уонна өрөспүүбүлүкэ бүддьүөттэриттэн үбүлэнэр.  

Оскуола биир симиэнэҕэ барыта 253, итиэннэ биир кылааска 23 оҕону үөрэтэргэ, кылаас аайы биирдии доруобуйаларынан хааччахтаах оҕолорго миэстэлээх буолара оросчуоттанна.

Территориятын тупсаран оҥоруохтара, салгыҥҥа спордунан дьарыктанар, оонньуур усулуобуйаны тэрийиэхтэрэ.