12.04.2022 | 13:00

Ыччаты үлэлэтии иһин субсидия ылыахтара

Ыччаты үлэлэтии иһин субсидия ылыахтара
Ааптар: Киин Куорат
Бөлөххө киир

Дьокуускай куораттааҕы прокуратура иһитиннэрбитинэн, 2022 сылга эдэр дьону үлэҕэ ылбыт хампаанньалар уонна тэрилтэлэр наймылаһыыны субсидиялыыр бырагыраама чэрчитинэн судаарыстыбаннай өйөбүлү ылыахтара.

Үлэҕэ ылыллыахтаах категорияҕа 30 саастарыгар диэри орто уонна үрдүк үөрэх кыһаларын бүтэрбит, үлэҕэ уопута суох ыччат, итини сэргэ орто уонна үрдүк үөрэҕэ суох эдэр дьон, инбэлииттэр, тулаайах оҕолор, сокуоннай саастарын ситэ илик оҕолордоох төрөппүттэр киирэллэр. 

Субсидия, оройуон коэффициенын, страховой усунуоһу уонна үлэҕэ ылыллыбыт дьон ахсаанын эбэн туран, хамнас үс алын кээмэйигэр тэҥнэһиэҕэ. Үлэнэн хааччыйааччы бастакы төлөбүрү эдэр киһи биир ый, иккиһи – үс ый, үсүһү – алта ый үлэлээбитин кэнниттэн ылар бырааптаах. Судаарыстыбаннай өйөбүлүнэн туһанар курдук,  үлэнэн хааччыйааччы Дьарыктаах буолуу киинин кытта үлэлэһэн, киниэхэ наадалаах исписэлиистэри сүүмэрдиир.

Итини дистанционнай көрүҥүнэн тус кэбиниэт нөҥүө «Работа России» портаалга киирэн оҥоруохха сөп. Ол кэнниттэн субсидия тыырыытынан уонна төлөбүрүнэн дьарыктанар Социальнай страхование пуондатыгар сайабылыанньа ыытыллар. Итини эмиэ дистанционнайдык, «Соцстрах» систиэмэ нөҥүө ыытыахха сөп.

Наймылаһыыны субсидиялыыр бырагыраама 2021 сыллаахха кулун тутар ыйга саҕаламмыта. Ити миэрэ чэрчитинэн үлэнэн хааччыйааччылар үөрэхтэрин 2020 сылга бүтэрбиттэри уонна үлэтэ суохтары ылан, субсидиянан туһаммыттара.

Ити быһаарыы үлэнэн хааччыйааччылары өйүөҕэ уонна ыччат үлэни түргэнник буларыгар көмөлөһүөҕэ.

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Волонтер эр дьон. Кинилэр кимнээҕий?
Дьон | 22.02.2024 | 11:20
Волонтер эр дьон. Кинилэр кимнээҕий?
Биһиги волонтердар тустарынан ордук пандемия кэмигэр истибиппит. Кинилэр ыалдьыбыт, кыаммат дьоҥҥо астарын, эмтэрин босхо тиэрдэн биэриигэ, араас соруктарга сылдьыбыттара. Волонтердар ойуур баһаардарыгар эмиэ күүстэрин харыстаабакка үлэлээбиттэрэ.
«Үрүҥ илгэ»: эдэр худуоһунньук Семен Нучеканов быыстапката
Сынньалаңңа | 18.02.2024 | 12:00
«Үрүҥ илгэ»: эдэр худуоһунньук Семен Нучеканов быыстапката
Олунньу 8 күнүттэн “Худуоһунньук дьиэтэ” галереяҕа эдэр худуоһунньук Семен Нучеканов “Үрүҥ илгэ” ааптарыскай быыстапката арылынна.