Ыччат технологическай конференцията саҕаланна
![Ыччат технологическай конференцията саҕаланна](https://kiinkuorat.ru/wp-content/uploads/2023/09/0PNGrBHAbK.jpg)
Конференцияҕа 53 устудьуон уонна үөрэнээччи кыттар, 25 бырайыак киирдэ, бириистээх пуонда суумата – 60 тыһыынча солкуобай.
«Сүрүн сыалбыт – каадыры бэлэмнээһин, ыччаты биотехнология эйгэтин практическай, прикладной үлэтигэр уһуйуу. Устудьуоннар туох материальнай кыах баарын, үбүлээһининэн өйөбүл хайдах оҥоһулларын билиэх уонна өйдүөх тустаахтар. 120 регистрацияламмыт кыттааччыттан 53 киһини сүүмэрдээтибит, 50-ча бырайыак регистрацияламмытыттан 25-һи таллыбыт», – диэтэ тэрийээччи, ХИФУ Мединститутун медицинскэй биотехнологияларга лабораториятын старшай научнай сотруднига Иван Троев.
Киирбит бырайыактары академик Ю.М. Лопухин аатынан Федеральнай медико-биологическай агентство сүрүннүүр научнай сотруднига Ольга Лебедева сыаналыаҕа уонна фундаментальнай наукаҕа олоҕуран хайдах уларытыахха сөбүн сүбэлиэҕэ.
«Оҕолор биотехнологияҕа интириэстээхтэрин көрөр үөрүүлээх. Түмүккэ үчүгэй үлэлэри көрүөхпүт диэн эрэнэбит. Кыттааччыларга маннык тэрээһин, балаһаакка улахан табыллыынан буолар. Тоҕо диэтэххэ урукку кэмҥэ коммерческай партнердары, научнай сөптөөх сыһыаны булар уустук этэ», – диэтэ кини. Конференция чэрчитинэн Ольга Лебедева маастар-кылаастары ыытыаҕа.
Нэдиэлэ устата кыттааччылар дьүүллэһэр балаһааккаларга, семинардарга сылдьыахтара, лабораторнай үлэни ааһыахтара, бырайыактар научнай концепцияларынан федеральнай уонна регионнааҕы экспертэртэн сүбэ-соргу ылыахтара. Тиһэх түһүмэҕинэн «ЭКСПО: аһаҕас аан күнэ» балаһаакка буолуоҕа. Итиннэ ким баҕалаах сылдьыан сөп.
Конференция түмүгэ балаҕан ыйын 23 күнүгэр, бырайыактар сүрэхтэниилэригэр тахсыаҕа. Бастыҥ кыттааччылар дьоҕус гырааннарынан, бириистэринэн наҕараадаланыахтара, бырайыактарын сайыннарыыга көмөнү ылыахтара.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)