Устудьуоннар этэрээттэрэ үлэ семестригэр бэлэмнэнэллэр

Саха сиригэр 2022 сыллааҕы сайыҥҥы үлэ семестригэр 2200-тэн тахса устудьуон үлэлиэҕэ, ити былырыыҥҥытааҕар 700 киһинэн элбэх. Баһаартан сэрэхтээх буолуу сезонугар туспа 300 байыастаах этэрээттэр тэриллэллэр. Бу туһунан Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата иһитиннэрдэ.

Муус устар 4 күнүттэн устудьуоннар этэрээттэрин саҥа байыастара 21 хайысханан идэтийиигэ үөрэтиини ааһаллар, итиннэ суол оробуочайа, сибээһи таҥааччы (монтажник), сварщик, бетонщик идэлэрэ бааллар. Үлэ семестрин саҕаланыыта хас биирдии устудьуон оробуочай идэни баһылаабытын туһунан туоһу суругу тутуоҕа. «Арассыыйа устудьуоннарын этэрээттэрэ» регионнааҕы салаата 50-тан тахса тэрилтэни кытта үлэҕэ киирии дуогабардарын түһэрсэр былааннаах.

«Арассыыйа устудьуоннарын этэрээттэрэ» регионнааҕы салаатын штабын салайааччыта Айсен Соловьёв иһитиннэрбитинэн, билиҥҥи кэмҥэ хампаанньалар тутууга, оройуон территорияларын тупсаран оҥорууга үлэлиир оробуочайдарга наадыйаллар. Итини кытта тыа хаһаайыстыбатын кооперативтара сайыҥҥы өттүгэр устудьуоннары үлэлэтэр баҕалаахтар.

Итини таһынан, Ленскэй оройуонун «Чаяндатааҕы» ньиэп-гаас хостуур сиргэ Бүтүн Арассыыйатааҕы «Север» устудьуоннар тутуулара былааннанар. Итиннэ дойду араас регионнарыттан 600 байыас үлэлиэҕэ. Балыгынан дьарыктанар салаа Уһук Илин Бүтүн Арассыыйатааҕы, уокуруктааҕы уонна регионнар икки ардыларынааҕы бырайыактарыгар 100-тэн тахса байыас кыттыаҕа.