Урукку босуобуйаларгыт тохтообут буоллахтарына

3-7 уонна 8-17 саастаах оҕолорго анаммыт босуобуйаны ылан бүппүт буоллаххытына, хаттаан сайаапка ыыппаккыт, бу босуобуйалар номнуо суохтар. Ол оннугар биир кэлим босуобуйа ананыан сөп, 2023 сылтан бу босуобуйа урукку төлөбүрдэри барыларын солбуйар буолбута.

Биир кэлим босуобуйа ананар ирдэбиллэрэ урукку босуобуйалар ирдэбиллэригэр маарынныыр:

— дохуот олох таһымын алын кээмэйигэр хоруйдаабат буолуохтаах;

— сайаапканы биэрээччилэр бас билэр баайдара-дуоллара ирдэбиллэргэ сөп түбэһиэхтээх;

— улахан дьон үлэтэ суох буолууларыгар оруннаах биричиинэ ирдэнэр.

Биир кэлим босуобуйа кээмэйэ:

— Олох таһымын алын кээмэйин 50, 75, 100 бырыһыаныгар тэҥнэһэр.

Өссө тугу билиэхтээхпитий?

— Дьиэ кэргэн састааба сайаапка биэрбит түгэҥҥитигэр ааҕыллар. Бас билии эмиэ оннук учуоттанар;

— Дохуот суоттанар болдьоҕуттан көрүллэр, холобур, билигин от ыйыгар сайаапка биэрдэххитинэ, 2022 сыл бэс ыйыттан 2023 сыл ыам ыйыгар диэри дохуоккут ылыллар;

— Сайаапканы көрүү болдьоҕо – 10 үлэ күнэ. Ирдэнэр буоллаҕына, 30 күҥҥэ диэри уһуон сөп;

— Босуобуйа 12 ыйга ананар. Оҕо 17 сааһыгар тохтуур.

— Ый толору ааҕыллар, холобур, от ыйын бүтэһигэр сайаапка ыыппыт буоллаххытына даҕаны, от ыйа толору ааҕыллыахтаах.