Уопсастыбаннай тырааныспары дезинфекциялааһын күүһүрдэ
![Уопсастыбаннай тырааныспары дезинфекциялааһын күүһүрдэ](https://kiinkuorat.ru/wp-content/uploads/2021/10/tb6bf9C5Ub.jpg)
Роспотребнадзор ирдэбиллэригэр уонна СӨ Ил Дархана Айсен Николаев «О режиме повышенной готовности на территории Республики Саха (Якутия) и мерах по противодействию распространению новой коронавирусной инфекции (COVID-19)» Ыйааҕар олоҕуран уопсастыбаннай тырааныспарга дезинфекция уонна бэрэбиэркэлээһин күүһүрдүлүннэ. Бу туһунан куораты тутууга уонна тырааныспар инфраструктуратыгар Департамент иһитиннэрбит.
Департамент начаалынньыгын солбуйааччы Александр Андросов бэлиэтээбитинэн, «ЯПАК» МУТ уонна чааһынай тиэйээччилэргэ оптуобус салонун дезинфекциялыырга биир ирдэбиллэр тураллар.
«Пассажирдары тиэйэр дьон бары Роспотребнадзор ирдэбиллэрин тутуһуохтаахтар. Роспотребнадзор Управлениетын ыйыытынан хас биирдии түмүк тохтобулга суоппардар уонна кондуктордар пассажирдар таарыйар сирдэрин дезинфекциялыыллар. Ити кэнниттэн оптубуостары 10-15 мүнүүтэ салгылаталлар. Күн бүтүүтэ оптуобустары ис уонна тас өттүттэн сууйаллар», – диэн иһитиннэрдэ Александр Андросов. Уокуруктааҕы дьаһалта специалистара ити миэрэлэри тутуһууну күн аайы хонтуруоллууллар.
Хас биирдии муниципальнай оптуобус хлордаах дезинфекциялыыр сириэстибэлэринэн, пассажирдарга аналлаах мааскаларынан хааччыллыбыттар.
«Хас биирдии суоппар мааскалаах буолуохтаах, онтун 2-3 чаас буолаат уларытыахтаах. Итини таһынан мааската суох пассажирдарга бэриллиэхтээх. Хас биирдии оптуобус салонугар коронавирус инфекциятын утары санитарнай миэрэлэри тутуһар ирдэнэрин туһунан биллэриилэр бааллар», – диэн бэлиэтээтэ «ЯПАК» МУТ дириэктэрин солбуйааччы Александр Протопопов.
«ЯПАК» МУТ күн аайы ОЗ-100 озонаторынан дезинфекциялыылларын көрдөрбүттэр. Биллэрин курдук, ити озонатор вирустары, бактериялары, микробтары уонна сыты суох оҥорор.
«Ити тэрилинэн үлэлээбэт күннэргэ оптуобус салоннарын күн өрүү-өрүү дезинфекциялыахпыт», – диэн эбэн эттэ Александр Протопопов.
Күн аайы Дьокуускайга «СоюзАвто» НКО 250 уопсастыбаннай тырааныспара уонна «ЯПАК» МУТ 27 куорат кытыытыгар тиийэр оптуобустара сүүрэллэр.
Роспотребнадзор Управлениетын, куорат Административнай хамыыһыйатын, салалта территориальнай уорганнарын специалистара коронавирус дьаҥын утары хааччахтыыр миэрэлэри тутуһууну күн аайы бэрэбиэркэлииллэр. Хомуйуллубут матырыйааллар куораттааҕы суукка киирэллэр.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)