Тимир суол айаныгар чэпчэтиини ылыы судургу буолла

Чэпчэтиилэринэн туһанар араҥа дьоно электричкаҕа, ыраах айан поездтарыгар чэпчэтиилээх билиэттэри дьиэттэн олорон ылар кыахтаналлар. Ол аата кинилэр аны пааспар уонна чэпчэтиинэн туһанар бырааптаахтарын дакаастыыр докумуону кассаҕа илдьэн көрдөрөллөрө наадата суох буолла.

Билиэт атыылыыр оператордар федеральнай информационнай систиэмэлэртэн туһааннаах информацияны бэйэлэрэ ирдэһэн ылар буолуохтара. Биир кэлим судаарыстыбаннай өҥөлөр порталларын (ЕСИА) нөҥүө киһи кимэ-туга тута быһаарыллар буолуоҕа. Маны тэҥэ бу портал нөҥүө билиэт харчытын төннөрүөххэ сөп буолуо – бу барыбытыгар сыһыаннаах уларыйыы киирдэ.