Театрдар үлэлиэхтэрэ

Ахсынньыттан Саха сиригэр театрдар үлэлиэхтэрэ. Бу туһунан Култуура министиэристибэтэ иһитиннэрдэ.

Маныаха театры үлэлэтэр туһунан быһаарыыны дириэктэрдэр ылыахтара. Култуура министиэристибэтэ театрдар Роспотребнадзор ирдэбиллэрин төһө тутуһалларын бэрэбиэркэлээтэ. Театрдарга дезинфектордар турдулар, кэлбит дьон температураларын кээмэйдиир тэриллэр үлэлээтилэр, медицинскэй мааскалар, бэрчээккэлэр баар буолуохтара. Билиэттэри онлайн атыылаһыаха сөп. Социальнай тэйиччи туттууну тутуһарга муостаҕа бэлиэлэр түһэрилиннилэр. Барыларыгар рециркулятордар үлэлиэхтэрэ.

Театрдарга сааланы аҥаарынан эрэ дьону киллэриэхтэрэ. 65 сааһытан үөһээ саастаах үлэһиттэр, ыалдьыбыт уонна ыарыы сибикилээх дьон үлэлээбэттэр. Испэктээктэргэ театр үлэһитин аҥаара эрэ кыттыахтаах.

Нерюнгригэ Куукула театра, Эстрада театра үлэлэрин номнуо саҕалаатылар. Дьокуускайга ахсынньы 24-26 күннэригэр П.А.Ойуунускай аатынан Саха театрыгар, ахсынньы 25-26 күннэригэр А.С.Пушкин аатынан Нуучча драмтеатрыгар премьералар буолуохтара.