04.04.2022 | 16:00

Түргэн интэриниэттэнэн абыраннылар

Түргэн интэриниэттэнэн абыраннылар
Ааптар: Киин Куорат
Бөлөххө киир

2021 сыл бүтэһигэр үс тыһыынча дьиэлээх Хатас сэлиэнньэтэ түргэн интэриниэккэ холбоммута. Бу иннинэ олохтоохтор Дьокуускай салалтатыгар хаачыстыбалаах сибээһинэн хааччыллыы боппуруоһун элбэхтик туруорсубуттара. 
Кыһалҕаны быһаараары былырыын киин куорат салалтата «ТТК» АУо хампаанньаны уонна бэдэрээтчит «Диапазон» ХЭТ кытта куорат кытыытыгар волоконнай-оптическай систиэмэ тутуутун туһунан Сөбүлэҥи түһэрсибиттэрэ. 
Кылгас кэм иһигэр провайдер ситими GPON  технологиянан туппута уонна Хатас сэлиэнньэтигэр олохтоохтор үөрүүлэригэр түргэн интэриниэт киирбитэ. 
«Сүнньүнэн нэһилиэнньэ оҥоһуллар өҥө хаачыстыбатын биһирээтэ, үөрэххэ, үлэҕэ туһанар кыах тубуста. Волоконнай-оптическай систиэмэни провайдер «Якутскэнерго» линиятынан ыыппыт буолан ыал барыта холбонор кыахтанна. Атын хампаанньаларга бэйэлэрэ туспа остуолбалаахтар, онон интэриниэтинэн хабыллыы далааһына кыра этэ», - диир Хатас сэлиэнньэтин баһылыга Евгений Пермяков.
Олохтоохтор түргэн интэриниэт киирбититтэн астыналларын биллэрэллэр. «Мэлдьи бырагырымааларынан онлайн үлэлиибин, онон миэхэ түргэн, бигэ туруктаах интэриниэт наада. Бу иннинээҕи провайдер үлэтин сөбүлээбэтэҕим, сибээспит сотору-сотору быстара. Онтон талар кыаҕы биэрбиттэригэр ТТК хампаанньаҕа көстүм. Ити тохсунньу ый бүтэһигэр этэ, аны мин суһаллык, олунньу ый саҕана холбонуохпун, үлэлиэхпин наада буоллаҕа. Хампаанньа өйдөөн, миэхэ утары баран түргэнник холбоон биэрбиттэриттэн наһаа үөрэбин. Икки өттүбүтүгэр олорор ыалларбыт эмиэ ТТК-ҕа көспүттэрэ уонна интэриниэппит түргэн, сибээспит хаачыстыбалаах диэн астыналлар. Киин куорат уонна сэлиэнньэбит салалталарыгар операторы кытта бииргэ үлэлэһэн маннык быһаарыны ылыммыттарыгар махтанабыт», - диир Хатас олохтооҕо Эльвира Тарабукина.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...
Олоҥхо ыһыаҕар анаан Дьокуускайтан айанныыр паром ахсаана элбэтиллэр
Сонуннар | 14.06.2024 | 10:17
Олоҥхо ыһыаҕар анаан Дьокуускайтан айанныыр паром ахсаана элбэтиллэр
XVII-с өрөспүүбүлүкэтээҕи Олоҥхо ыһыаҕа быйыл бэс ыйын 20-21 күннэригэр Аммаҕа Муона чараҥа айылҕа маанылаах миэстэтигэр ыытыллаары турар.  Ыһыах мааны ыалдьыттарынан өрөспүүбүлүкэ 32 муниципальнай тэриллиититтэн 15 тыһыынчаттан тахса киһи буолуоҕа. Айанньыттарга анаан «Дьокуускай – Аллараа Бэстээх» хайысханан 15 паром сылдьыаҕа, Амма сэлиэнньэтин иһинэн оптуобустар, ыһыах түһүлгэтигэр тиэрдэр шатллар сүүрүөхтэрэ. Түһүлгэҕэ 3...