11.04.2022 | 18:00

«Сыл учуутала - 2022» өрөспүүбүлүкэтээҕи куонкурус кыайыылааҕа ааттанна

«Сыл учуутала - 2022» өрөспүүбүлүкэтээҕи куонкурус кыайыылааҕа ааттанна
Ааптар: Киин Куорат
Бөлөххө киир

Муус устар 9 күнүгэр «Сыл учуутала - 2022» XXXI-с  өрөспүүбүлүкэтээҕи куонкурус түмүк түһүмэҕэ пресс-конференция көрүҥүнэн ыытылынна. Бу туһунан СӨ үөрэҕириигэ уонна наукаҕа Министиэристибэтэ иһитиннэрдэ.  
Түмүк түһүмэххэ биэс саамай күүстээх кыттааччы таҕыста: Бэрдьигэстээх улуустааҕы гимназиятын физикаҕа учуутала Иван Дьяконов, Лөгөй оскуолатын алын кылаастарын учуутала Валентина Нафанаилова, Үөһээ Бүлүүтээҕи 4-с №-дээх оскуола математикаҕа учуутала Александр Дмитриев, Ленскэй 2-с №-дээх оскуолатын алын кылаастарын учуутала Наталья Коновалова, Сунтаардааҕы 1-кы  №-дээх оскуола английскай тылын учуутала Дмитрий Михайлов.
Пресс-конференцияҕа куонкурус урукку сыллардааҕы кыайыылаахтара, оҕолор дьүүллүүр сүбэлэрэ, төрөппүт кэмитиэтэ уонна суруналыыстар ыйытыктары биэрдилэр. Финалистар уус тыллаахтарын уонна киэҥ билиилээхтэрин көрдөрдүлэр. 
Финалистары үөрэҕирии уонна наука миниистирин бастакы солбуйааччы Михаил Присяжнай эҕэрдэлээтэ.
«Өрөспүүбүлүкэбитигэр  XXXI-с төгүлүн ыытыллар куонкуруһу дьоһун суолталаах уонна ыйааһыннаах оҥордугут. Барыгытын ситиһиилээх куонкурсунан эҕэрдэлиибин. Оскуолаҕытыгар, муниципальнай түһүмэххэ уонна билигин өрөспүүбүлүкэ таһымыгар бастыҥ буоллугут. Инники өттүгэр эһигини лектор уонна эксперт быһыытынан ыҥырыахтара», - диэн бэлиэтээтэ Михаил Присяжнай.
Айсен Кейметинов учуутал Егор Дмитриевич Макаров аатынан бириэмийэни ылла. Лилия Санникова М. К. Аммосов аатынан Хотугулуу-Илиҥҥи федеральнай университет магистратуратыгар үөрэнэргэ сертификаты сүүйдэ.  Александр Дмитриев Герцен аатынан судаарыстыбаннай педагогическай универтет бүддьүөт миэстэтигэр үөрэнэр сертификаты ылла. 
«Саха сирин методиһа» түөскэ анньынар бэлиэни Бөтүҥ оскуолатын историяҕа уонна обществознаниеҕа учуутала Наталья Новикова ылла. Оҕолор дьүүллүүр сүбэлэрин биһирэбил бирииһигэр Иван Дьяконов тигистэ. Төрөппүттэр биһирэбиллэрин Наталья Коновалова ылла.
«Сыл учуутала» XXXI-с өрөспүүбүлүкэтээҕи куонкурус муҥутуур кыайыылааҕынан Бэрдьигэстээх улуустааҕы гимназиятын физикаҕа учуутала Иван Дьяконов буолла. 
«Кыратык долгуйан турабын. Бастатан туран, бэйэм хамаандабар – кэллиэгэлэрбэр махталбын тириэрдэбин, бу биһиги уопсай кыайыыбыт! Чугас дьоммор махтанабын, кинилэр миигин мэлдьи өйүүллэр. Оҕолорго өйөбүл наһаа наада диэн этиэхпин баҕарабын. Эһиги кинилэри өйүүр буоллаххытына, кинилэр мэлдьи үрдүк ситиһиилээх буолуохтара. Бүгүн ылбыт наҕараадаларбыттан саамай үрдүгэ – оҕолор биһирэбиллэрин бирииһэ!», – диэтэ Иван Дьяконов.
Муҥутуур кыайыылаах быһыытынан Иван Дьяконов өрөспүүбүлүкэ аатыттан «Сыл учуутала - 2022» Бүтүн Арассыыйатааҕы куонкуруска кыттыаҕа.

Сонуннар

Ордук ааҕаллар

Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.
Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...