04.08.2020 | 10:14

Солко өрөөччүнү уодьуганныырга!

Солко өрөөччүнү уодьуганныырга!
Ааптар: Киин Куорат

Бэс ыйыгар Дьокуускай, Нам, Хаҥалас лесничестволарыгар Сибиир солко өрөөччүтэ тарҕаммыта биллибитэ. Буортулаах үөн киин куоракка баар буолуоҕуттан чинчийэр, кэтээн көрөр, тарҕаммыт сирин учуоттуур уонна мээрэйдиир үлэ ыытыллар. Бу туһунан Дьокуускайдааҕы судаарыстыбаннай экология надзорун кэмитиэтин салайааччыта Кирилл Алчин иһитиннэрэр.

Кэнники дааннайдары ылан көрдөххө, солко өрөөччү киин куорат 5 тыһыынча гектартан тахса тула өттүнээҕи ойууругар, Шестаковка  7 тыһыынча гектартан тахса сиригэр-уотугар, Марха 26 тыһыынча гектардаах тыатыгар олохсуйбут.

“Түргэнник уодьуганныыр, үөскүүр сирдэрин ыраастыыр тэрээһиннэри ыытыахха наада этэ. Чинчийэр, кэтээн көрөр үлэни таһынан, солко өрөөччү ахсаанын чопчу билээри, анал угаайылары бэлэмнээбиппит. Күһүн үлэ түмүгүнэн буортулаах үөнү бохсор үлэҕэ көрүллэр үп-харчы сууматын быһаарыахпыт, тыырыахпыт”, – диэтэ Кирилл Алчин.

Үлэни «Рослесзащита» ФБТ федеральнай агентствотын Бурятскай филиала ыытар. “Федеральнай тэрилтэ тулалыыр эйгэҕэ буортулаах үөнү-көйүүрү суох оҥорор миэрэни ылар туһугар салгыҥҥа уонна сиргэ үлэлиэҕэ”, – диэтэ кэмитиэт салайааччыта.   

Билигин өстөөҕү кыдыйар туһата суох. Тоҕо диэтэххэ, бу иннинэ коконнарыттан тахса иликтэрэ, от ыйын ортотуттан үрүмэччилэр саҥа көтөн эрэллэр. Түүлээх үөн ыамата улаата илигинэ аһаабат. Кинилэри суох оҥорор анал сириэстибэ аһыыр уорганнарынан эрэ киирэр.

Быйыл сайыны быһа куйаас уонна кураан күн-дьыл турда. Онон эһиил солко өрөөччү өссө элбиэн сөп. Хойуу тыалаах улуустар тыаларыгар ордук күүскэ тарҕанар кутталлаах.   

  

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.