20.05.2020 | 18:04

Сайсары олохтоохторо баһылыгы кытта онлайн көрүстүлэр

Сайсары олохтоохторо баһылыгы кытта онлайн көрүстүлэр
Ааптар: Киин Куорат
Бөлөххө киир

Бүгүн, ыам ыйын 19 күнүгэр, баһылык Сардана Авксентьева Сайсары уокуругун олохтоохторун кытта онлайн көрүстэ. Олохтоохтор видеосибээс ньыматынан ыйытыктарыгар быһаччы хоруйдары ыллылар.

Ол курдук, Елена Саввинова, Билибин уул. 27/2 дьиэтин старостата, Ильменскэй уонна Билибин уулуссаларын өрөмүөннэрин ыйыталаста. “Ильменскэй уулусса элбэх үлэни эрэйэр. Быйыл бырайыактыыр-сметалыыр докумуон оҥоһуллар, уулуссаны 1600 м. устатын, эһиил 2021 сылга оҥоруохпут. Икки улухан уулуссаны бииргэ оҥорор кыаллыбат, ол иһин Билибин уулуссатын 2022 сылга өрөмүөннүөхпүт”, - диэн баһылык эппиэттээтэ.

Маны таһынан Елена Саввина 18 нүөмэрдээх оскуола таһынааҕы остонуопканы көһөрөргө этии киллэрдэ. Бу боппуруоска кэнники онлайн-мунньах ыытыллар буолла.

Сайсары олохтооҕо Раиса Романова дьону хаарбах дьиэттэн көһөрүү тиэмэтин таарыйда. Хаарбах дьиэ олохтоохторун ааттарыттан Сэргэлээх шоссетын-4   5, 6, 7, 8, 9 корпустарын туһунан ыйытта. “Хаарбах дьиэттэн көһөрүү бырагырааматыгар олоҕуран, 6-ыс корпус олохтоохторун бу сыл бүтүөр диэри көһөрүөхпүт. Кинилэргэ дьоҕус кыбартыыралар тиксиэхтэрэ, атын барыйаан суох. 5, 7, 8, 9 корпустары 2021 сылга көһөрөбүт. Билигин киһи олорор усулуобуйата суох буоллаҕына олохтоохтор маневреннай пуонда дьиэтин көрдүөхтэрин сөп”, - диэн Дьиэ-уот сыһыаннаһыыларыгар департамент салайаачыта Александр Новолоков эппиэттээтэ.

Раиса Романова туруорсарынан, саамай хаарбах туруктаах 9-ус корпус олохтоохторун быйыл көһөрөр тоҕоостоох. Сардана Авксентьева Дьиэ-уот сыһыаннаһыыларын департаменын салайааччытыгар Александр Новоловка бу боппуруоһу быһаарсарга, дьоҥҥо хамыыһыйа түмүгүн докумуоннарын көрдөрөргө сорудахтаата.

Сонуннар

Ордук ааҕаллар

Саллаат таҥарата — ийэтэ, кэргэнэ
Сонуннар | 08.03.2024 | 09:30
Саллаат таҥарата — ийэтэ, кэргэнэ
Наталья Андреевна Охлопкованы анал байыаннай дьайыыга сылдьар уолаттар олус убаастыыллар, ытыктыыллар, олох дьоруой курдук саныыллар диэни истэн баран, булан кэпсэтэргэ санаммытым уонна, чахчы да, дьоруойдар тыылга эмиэ бааллар эбит диэн санааҕа кэллим.
Хатаска саҥа спорт комплекса арылынна
Сонуннар | 13.03.2024 | 14:09
Хатаска саҥа спорт комплекса арылынна
Хатас урут даҕаны, билигин даҕаны чөл-чэгиэн дьонунан тутахсыйбатаҕа. Ол гынан баран ол туһугар усулуобуйа наадатын бары да өйдүүбүт. Иллэрээ күн, кулун тутар 12 күнүгэр, баҕа санаа туолара маннык эбит диэххэ диэри сабыс-саҥа “Дьулуур” спорт комплексын киэҥ уораҕайа аанын тэлэччи арыйда. Этиллибит кэмҥэ дьон устар сүүрүктүү хотоҕостуу субуллан, 400 миэстэлээх саала...
Норуот эмтиэкэтэ
Тускар туһан | 08.03.2024 | 12:00
Норуот эмтиэкэтэ
Аныгы үйэ буолан үгүспүт социальнай ситимнэри ааҕар, туттар, кэтиир-маныыр. Манна наадалаах, туһалаах сүбэлэр хото суруллаллар. Ону биһиги бүгүн ааҕааччыларбытыгар дьиҥнээхтии көмөлөспүт дьон суруйбуттарын, айылҕалаахтар да эппиттэрин көрөн бэчээттиэхпит. Ол эрээри, барытын туттан, туһанан испэккитигэр сүбэлиибит, бэйэҕит эккит-сииҥҥит тугу ирдиирин, быраас сүбэтин тутуһаргыт ордук.   Куртах бааһын (язва) оһордор ас туһунан Устудьуоннуу...
Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.