04.06.2020 | 10:36

Сардаана Авксентьева БКЭ ыытыллар тэрилтэлэрин бэрэбиэркэлээтэ

Сардаана Авксентьева БКЭ ыытыллар тэрилтэлэрин бэрэбиэркэлээтэ
Ааптар: Киин Куорат
Бөлөххө киир

Өрөспүүбүлүкэ Бырабыыталыстыбатын Бэрэссэдээтэлин солбуйааччытын э.т. Сергей Местников, үөрэх миниистирэ Михаил Сивцев, баһылык Сардаана Авксентьева, үөрэх управлениетын салайааччыта Алексей Семенов, баһылыгы солбуйааччы Наталья Степанова көһө сылдьар мунньах быһыытынан Дьокуускай куорат 17 №-дээх оскуолатыгар быйыл ыытыллыахтаах эксээмэн буолар сирэ төһө бэлэмнээҕин көрдүлэр.

Быйыл, үгүс үөрэнээччи, орто анал үөрэх тэрилтэлэригэр туттарсар буолан, БКЭ туттарыыга сайабылыанньа биэрээччи аҕыйаабыт. Онон эксээмэни ыытыы пууннара эмиэ аҕыйаата. Баһылыгы солбуйааччы Наталья Степанова көһө сылдьар мунньахха иһитиннэрбитинэн, Дьокуускайга БКЭ туттарыытыгар 232 аудитория 18 пууҥҥа үлэлиэ диэтэ. Бүтэһик дааннайынан, быйыл бүтэрбит оҕолор 12  %  эксээмэн туттарартан аккаастаммыт.

 «Онон эксээмэн туттарыы кэмигэр үтүрүһүү, анньыһыы суох буолуо. Бу 18 пууну наадалаах малынан барытынан хааччыйыахпыт. Маныаха 6,5 мөлүйүөн солкуобай ороскуоттанара былааннанар. Бэс ыйын 29 уонна 30 күннэригэр оҕолоро суох боруобалыыр эксээмэннэр буолуохтара – ППЭ систиэмэтин уонна үлэһиттэри бэрэбиэркэлиир үлэ, бу кэмҥэ ирдэнэр тиэхиньикэнэн аудиториялары хааччыйыахпыт”, – диэн Наталья Степанова бэлиэтээн эттэ.

17 №-дээх оскуола дириэктэрэ Лена Афонская кэпсээбитинэн, оҕолор үтүрүспэттэрин курдук, оскуолаҕа киириигэ икки сиринэн аан аһыллыаҕа. Хас биирдии киирэр сиргэ медиктэр эксээмэн кыттыылаахтарын температураларын мээрэйдиэхтэрэ.

Көһө сылдьар мунньах кыттыылаахтара БКЭ ыытыытын боппуруоһун тэрийиигэ, эксээмэн 3 чаас 55 мүнүүтэ устата барыа диэн бэлиэтээтилэр. Бу Роспотребнадзор ирдэбилигэр олоҕурар. Хас биирдии оҕоҕо харыстанар мал, ол иһигэр 3 мааска бэриллэр. Кэтээн көрөөччүлэри уонна тэрийээччилэри эмиэ маасканан, бэрчээккинэн хааччыйыахтара.

Олохтоох дьаһалтаҕа БКЭ ыытыллыытын кэмигэр биһиги генераторынан хааччыйыы боппуруоһун көрдүбүт. Маныаха анал эппиэтинэс баһылыгы ОДьКХ боппуруоһугар солбуйааччыга сүктэриллэр”, –  диэтэ Сардаана Авксентьева.

Оскуоланы бүтэрээччилэр уопсастыбаннай көлөнөн төттөрү-таары айаннаабаттарын, куорат атын муннугар тиэйиигэ кыһалҕа буолбатын туһугар, мунньах кыттааччылара оҕолор үөрэнэр сирдэринэн оскуолаҕа эксээмэн туттаралларыгар этии киллэрдилэр.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....