08.04.2022 | 13:00

Саха сирин олохтоохторун форумҥа ыҥыраллар

Саха сирин олохтоохторун форумҥа ыҥыраллар
Ааптар: Киин Куорат
Бөлөххө киир

Олохтоох дьаһалта куорат олохтоохторун «Саҥа кэм күүстээх идиэйэлэрэ» форумҥа кыттарга ыҥырар. Бу туһунан Олохтоох дьаһалта пресс-сулууспата иһитиннэрдэ.
Хас биирдии гражданин бэйэтин идиэйэтин киллэрэн өйөбүлү ылар уонна олоххо киллэрэр кыаҕы ылар. Стратегическай инициативалар Агентстволара уонна «Росконгресс» Пуонда 100 күүстээх идиэйэлэри таланнар олоххо киллэриэхтэрэ. Ити идиэйэлэр 2030 сылга диэри дойду уонна национальнай сыаллар сайдыыларыгар дьоһун кылааттарын киллэриэхтэрэ. 
Форум тэрийээччилэрэ – стратегическай инициативалар Агентстволара уонна «Росконгресс» Пуонда. Тэрийэр кэмитиэт бэрэссэдээтэлэ РФ Бэрэсидьиэнин көмөлөһөөччүтэ Максим Орешкин бырайыак дьоһун суолталааҕын бэлиэтиир. 
«Хас биирдии киһи бэйэтин идиэйэтин киллэриэн, идэтийбит сыанабылы уонна олоххо киллэрэр кыаҕы ылыан сөп. Итинник формат дойду үрдүнэн гражданнар этиилэрин хомуйар уонна 2030 сылга диэри Арассыыйа сайдыытыгар уонна национальнай сыаллары ситиһиитигэр кэскиллээх бырайыактары чопчулуур кыах биэрэр.  Ахсаан өттүн сырсыбаппыт, сотору кэминэн араас эйгэҕэ балаһыанньаны тосту уларытар, гражданнар араас категорияларыгар көмөлөһөр кыахтаах интириэһинэй уонна туттуллар идиэйэлэри булуохпутун наада», — диэтэ Максим Орешкин.
Стратегическай инициативалар Агентстволарын генеральнай дириэктэрэ Светлана Чупшева бэлиэтээбитинэн, бары көҕүлээһиннэри топ-таһымнаах экспертэр көрүөхтэрэ, форум түмүгүнэн бастыҥ этиилэр Арассыыйа үрдүнэн өйөбүлү ылыахтара уонна олоххо киириэхтэрэ. 
«Форумҥа кэпсэтэргэ, уопуттарын үллэстэргэ бэлэм, олохпутун үчүгэй өттүгэр уларытар идиэйэлэрдээх дьону күүтэбит. Форум кыттыылаахтара экспертэртэн сыанабылы ылан, акселераторы ааһан, идиэйэлэригэр олоҕуран бырайыактары оҥоруохтара, хамаандаларын тэриниэхтэрэ», — диэн үллэһиннэ Светлана Чупшева.
Сүрүн түһүмэхтэр:
· Олунньу 22 күнүттэн муус устар 22 күнүгэр диэри https://ideas.roscongress.org/  крауд-платформаҕа идиэйэлэри хомуйуу ыытыллар;
· Ыам ыйын 6 күнүгэр диэри регионнааҕы экспертнай ситим 1000 топ-идиэйэлэри талар;
· Бэс ыйын 3 күнүгэр диэри экспертнай сэбиэт бэрэссэдээтэлэ уонна бюрота 100 топ-идиэйэлэри талаллар;
· От ыйыгар – сирэй (очнай) форум, дойду салалтатыгар 100 топ-идиэйэлэри билиһиннэрии. 
Форум тиэмэнэн хайысхалара:
1.  «Национальная социальная инициатива» блок.
2. «Национальная технологическая инициатива» блок. 
3. «Национальная кадровая инициатива» блок. 
4. «Национальная экологическая инициатива» блок. 
5. «Предпринимательство» блок. 
6. «Развитие регионов» блок. 
7. «Открытый разговор» блок. 
Сайаапкалары хомуйуу 2022 сыл муус устар 22 күнүгэр диэри https://ideas.roscongress.org/ крауд-платформа нөҥүө ыытыллар. Тэрээһин туһунан сиһилии https://ideas-forum.ru/ сайтка билсиэххэ сөп.
Кыттыан баҕалаахтар СӨ ыччат дьыалаларыгар уонна социальнай коммуникацияларга Министиэристибэтин гражданскай көҕүлээһиннэри кытта үлэлиир салаатыгар билсиэхтэрин сөп, төлөрүөн нүөмэрэ: 8(4112) 507-123, электроннай почта: otdelsonko@mail.ru.

Сонуннар

Ордук ааҕаллар

Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.
Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...