30.03.2020 | 08:22

Саха сиригэр 15 коронавирустаабыт киһи баар

Саха сиригэр 15 коронавирустаабыт киһи баар
Ааптар: Киин Куорат

Ил Дархан Айсен Николаев бүгүҥҥү брифинигэр Дьокуускайга 15 коронавируһунан ыалдьыбыт киһи баарын, 1 киһи анаалыһа Новосибирскайга бэрэбиэркэҕэ баран турарын иһитиннэрдэ.

Арассыыйа бэрэсидьиэнинэн биллэриллибит өрөбүллүүр нэдиэлэбит саҕаланна. Онон бэрэсидьиэн бар дьонун дьиэттэн тахсыбакка олорорго, дьону кытта алтыспат буола сатыырга ыҥырда. Ааспыт нэдиэлэ устата Саха сиригэр тас дойдуттан 2012 киһи кэлбит, бары 14 хонук “самоизоляцияҕа” олороллор. Оттон Арассыыйа киин куораттарыттан кэлбит дьон бэйэлэрин кэтэнэн көрүөхтээхтэр, төһө кыалларынан “самоизоляцияҕа” бараллара ордук. “Маннык быһыыга-майгыга хас биирдии киһи эппиэтинэһэ үрдүөхтээх”, - диэн Ил Дархан тоһоҕолоото.

Саха сиригэр ас саппааһа барыта баар, бородуукта бүттэ диэн сымыйа сурахтарга итэҕэйимэҥ. Оттон медицинскэй мааскаларбыт Кытайтан бэҕэһээ арахпыттар, ол аата бу нэдиэлэ бүтэһигэр кэлиэхтээхтэр.

Санатан эттэххэ, Саха сиригэр коронавирус бастаан кулун тутар 19 күнүгэр булуллубута. Оскуолалар, култуура тэрилтэлэрэ, кинотеатрдар онтон да атын элбэх киһи тоҕуоруһар сирдэрэ карантиҥҥа бардылар.

Сонуннар

Ордук ааҕаллар

Тыыннаахпыт тухары бүппэт кыһалҕалар
Куорат олоҕо | 24.06.2022 | 16:00
Тыыннаахпыт тухары бүппэт кыһалҕалар
«Кыһалҕа, муҥ тиити буолбакка, киһини кэрийэр» диэн сахалар өс хоһоонноро баар. Киһи олорорун тухары кыһалҕаны, ыарахаттары көрсөр, ону туоратарга дьулуһар. Онуоха салалта, дьаһалта өттүттэн эмиэ кыһаллаллар, араас уураахтары, дьаһаллары таһааран олохпут чэпчиирин туһугар туруулаһаллар. Ол да буоллар, ол эрэн... дииргэ тиийэбит.   Илин эҥэрдэр паром кыһалҕалаахтар Муоста, муоста диибит да, ол...
Дьиэ кэргэн бизнеһин өйүүр киин арылынна
Сонуннар | 27.06.2022 | 17:39
Дьиэ кэргэн бизнеһин өйүүр киин арылынна
Бэс ыйын 27 күнүгэр Дьокуускайга Дьиэ кэргэн бизнеһин өйүүр киини арыйдылар. Киин күлүүһүн вице-премьер Ольга Балабкинаҕа үөрүүлээх быһыыга-майгыга туттарыы сиэригэр-туомугар Арассыыйатааҕы Атыы-эргиэн палататын вицэ-бэрэсидьиэнэ Елена Дыбова туттарда. Арассыыйа үрдүнэн бу төрдүс киин үлэлээтэ. Эрдэ маннык кииннэр Нижний Новгородка, Уфаҕа, Рязань куоракка бааллар. Киин арыллыыта Саха АССР үбүлүөйдээх сылыгар сөп түбэспитэ...