19.05.2022 | 18:00

Сүрэх-тымыр киинин дойду үрдүнэн биир бастыҥынан билиннилэр

Сүрэх-тымыр киинин дойду үрдүнэн биир бастыҥынан билиннилэр
Ааптар: Киин Куорат
Бөлөххө киир

Быйыл ыам ыйын саҥатыгар үлэҕэ киллэриллибит Сүрэх-тымыр саҥа киинэ номнуо  ыарыһахтары көрөр-истэр, эпэрээссийэлиир. Бу туһунан СӨ Доруобуйа харыстабылыгар министиэристибэтин сайта иһитиннэрдэ. 
Киин  өрөспүүбүлүкэ олохтоохторугар эрэ буолбакка, Уһук Илин регионнарын  ыарыһахтарыгар эмиэ медицинскэй көмөнү оҥорор соруктаах. Бу туһунан СӨ Ил Дархана Айсен Николаев «Саха» ГТРК «Быһа эфир» биэриитигэр иһитиннэрдэ. «Квоталар Арассыыйа Федерациятын  Доруобуйатын харыстабылын министиэристибэтин нөҥүө тыырыллыахтаахтар. Биһиги ыарыһахтарбыт үрдүк технологиялаах эпэрээссийэни ааһалларыгар квотаны 1,5-2 төгүл улаатыннаралларын курдук боппуруоһу туруордубут. Сүрэх-тымыр киинэ аһыллан, биһиги быраастарбыт тымырга уонна сүрэххэ эпэрээссийэлэри оҥорор кыахтаахтар», - диэтэ Айсен Николаев. 
Ил Дархан иһитиннэрбитинэн, РФ доруобуйатын харыстабылын миниистирэ Михаил Мурашко  Саха сиригэр Киин аһыллыытыгар кэлэ сылдьан,  медицинскэй сулууспалар сайдыыларын боппуруостарыгар мунньаҕы ыыппыт. Миниистир үрдүк технологиялаах медицинскэй көмөнү өрөспүүбүлүкэ олохтоохторугар эрэ буолбакка, атын регион дьонугар эмиэ оҥоруохтаахтарын туһунан бэлиэтээбитэ. Ону таһынан Михаил Мурашко Саха сирин бырабыыталыстыбатын уонна эмчиттэрин Сүрэх-тымыр киинин медицинскэй тэриллэринэн хааччыйыыга үлэлэрин  үрдүктүк сыаналаабыта. «Кини каадырдарынан уонна медицинскэй тэриллэринэн хааччыллыыга Уһук Илиҥҥи уокурукка эрэ буолбакка, дойду үрдүнэн бастыҥ киин буоларын бэлиэтээбитэ», - диир Ил Дархан. 
Саҥа киин алта клиническэй салаалаах: кардиологическай, неврологическэй, сүрэх-тымыр хирургията, аритмология, анестезиология, реанимация уонна интенсивнэй терапия. Итиэннэ үс эпэрээссийэлиир саалалаах, МРТ, КТ, рентгенография, УЗИ, чөлүгэр түһэрии (реабилитация) уонна физиотерапия кэбиниэттэрдээх.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...