Өртөөһүн бобуулаах

Саха сиригэр тыа саҕатыгар, ойууртан чугас сирдэргэ кур оту, маһы уматыы, өртөөһүн бобуллар. Быраабыланы кэспит киһи административнай эппиэккэ тардыллан ыстарааптанар.

Ыстараап кээмэйэ биирдиилээн киһиэхэ 3000-4000 солкуобайга тэҥнэһэр, дуоһунастаах сирэйдэргэ — 15000-25000 солкуобай, юридическэй сирэйдэргэ — 150000-250000 солкуобай.

«Якутлесресурс» тэрилтэ үлэһиттэрэ муус устар 30 күнүттэн Дьокуускай куорат уокуругун кытыы сытар сирдэригэр баһаар тахсыытын сэрэтэр үлэлэри оҥорор уонна ойуур кытыытыгар баар хагдаҥ окко хонтуруолланар уот ыытар.

Баһаар тахсыбыт түбэлтэтин туһунан иһитиннэриини өрөспүүбүлүкэтээҕи диспетчерскэй сулууспаҕа биллэрэр ирдэнэр: 8 (4112) 44-74-76, 8 (800) 100-94-00.