Роспотребнадзор «итии линията» үлэлиир

Роспотребнадзор управлениета ыам ыйын 17 күнүттэн Саха сирин үрдүнэн отон уонна оҕуруот аһын бородууксуйатын хаачыстыбатын уонна куттала суох буолуутун боппуруостарыгар «итии линияны» үлэлэтэр. 
Роспотребнадзор управлениетын уонна “Саха Өрөспүүбүлүкэтигэр гигиена уонна эпидемиология киинин” исписэлиистэрэ 2022 сыл ыам ыйын 17-24 күннэригэр отон уонна оҕуруот аһын бородууксуйатыгар ирдэбиллэр боппуруостарыгар нэһилиэнньэҕэ сүбэ-ама биэрэллэр. «Итии линия» төлөпүөннэрэ: 8-800-550-21-24, (4112)44-61-58, (4112)35-62-72. 
Өрөспүүбүлүкэ улуустарыттан ыйытыылар управление территориятааҕы отделларын төлөпүөннэринэн ылыллар. Ол туһунан управление сайтыгар билсиэххэ сөп. 
Санатар буоллахха, 2015 сылтан Арассыыйа Федерациятыгар туһанааччылар бырааптарын көмүскээһин эйгэтигэр судаарыстыбаннай иһитиннэрэр ресурс үлэлиир. Манна булгуччулаах ирдэбиллэргэ сөп түбэспэт бородууксуйа (ол иһигэр ас-үөл бородууксуйата эмиэ) туһунан  сибидиэнньэлэри киллэриэххэ сөп. Атыы-эргиэн туочукаларыгар хаачыстыбата суох бородууксуйаҕа түбэстэххэ, Саха Өрөспүүбүлүкэтин Роспотребнадзор управлениетыгар иһитиннэриллэр. Аадырыһа: Дьокуускай куорат, Ойуунускай уулуссатын  9 №-дээх дьиэтэ эбэтэр  управление сайтыгар баар пуорманы толорон ыытыахха сөп.