13.04.2022 | 13:00

Өрөспүүбүлүкэ 100 сылынан сквердэри уонна болуоссаттары өрөмүөннүөхтэрэ

Өрөспүүбүлүкэ 100 сылынан сквердэри уонна болуоссаттары өрөмүөннүөхтэрэ
Ааптар: Киин Куорат

Быйыл, өрөспүүбүлүкэ 100 уонна Дьокуускай  390 сылларын көрсө, киин куоракка уопсастыбаннай туоналары, пааматынньыктары уонна суоллары өрөмүөннүөхтэрэ, итини таһынан куораты ыраастыыр уонна тупсаран  оҥорор оробуочай ахсаанын элбэтиэхтэрэ, диэн эттэ СӨ премьера Андрей Тарасенко. Бу туһунан Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата иһитиннэрдэ.

Ленин проспегын хапытаалынай өрөмүөнүн таһынан киин куоракка Ийэ скверигэр, Орджоникидзе уонна Кыайыы болуоссаттарыгар, «Туймаада саллаата» сквергэ косметическай өрөмүөн оҥоһуллуохтаах. Сырдатыы саҥа ситимнэрин Христофор Максимов уулуссатыгар, Газомагистральнай уонна Баҕарах уулуссаларга тардыахтара. Доруобуйаларынан хааччахтаах дьоҥҥо табыгастаах усулуобуйаны оҥорор сыаллаах тротуардары өрөмүөннүөхтэрэ уонна суол хаһаайыстыбатын эбийиэктэрин саҥардан оҥоруохтара.

«Боппуруос дизайн-кодка эрэ сыппат, сүрүннээн куораты ыраастааһыны, санитарнай туругу таарыйар. Итини кытта волонтёрдары, тутуулар уонна эбийиэктэр бас билээччилэрин таһынааҕы территорияларын ыраастыырга тардыахха наада. Өрөспүүбүлүкэ үйэлээх үбүлүөйүн дьоһун көрүҥнээх көрсүөхтээх», – диэтэ Андрей Тарасенко.

Ыраастааһын уонна көҕөрдүү үлэтигэр эбии устудьуон этэрээттэрин байыастарын таһаарыахтара. Үлэ көрүҥүн уонна кээмэйин куорат былаастара Ыччат министиэристибэтин кытта торумнуохтара.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Похуоттуу бардыбыт!
Сынньалаңңа | 14.05.2022 | 15:33
Похуоттуу бардыбыт!
Бу күннэргэ дьиэ кэргэнинэн, кылааһынан похуоттар саҕаланыахтара. Үчүгэй сынньалаҥы көрдөөх бырагыраама киэргэтэр. Сөбүлэһэҕит? Оччоҕуна “Киин куорат” бэлэмнээбит оонньууларын сэргээҥ, сэҥээриҥ!    Хамсаныылаах оонньуулар «Светофор» Хонууга эбэтэр балаһааккаҕа оонньонор. Онно икки уһун сурааһыны тардаҕыт. Бастакы сурааһын кэннигэр кыттааччылар оонньуу саҕаланыытыгар тураллар. Оттон иккис сурааһыҥҥа диэри ыытааччыттан (эккирэтэр киһи) куотан тиийиэхтээхтэр. Бастаан ыытааччыны...