Птицевод уулуссатыгар тырааныспар сырыытыгар хааччахтааһын киирэр

Олохтоох дьаһалта иһитиннэрбитинэн, 2022 сыл муус устар 29 күнүнээҕи 873р №-дээх дьаһалга олоҕуран, хапытаалынай өрөмүөнүнэн сибээстээн уонна суолга куттал суох буолуутун хааччыйар сыалтан, 2022 сыл ыйын ыам ыйын 15 күнүттэн алтынньы 31 күнүгэр диэри  Птицевод уулуссатыгар тырааныспар сырыытыгар хааччахтааһын киирэр. 
Эбийиэк хапытаалынай өрөмүөнэ «2019-2024 сылларга куттала суох уонна хаачыстыбалаах суоллар» национальнай бырайыак олоххо киириитин чэрчитинэн, «2017-2032 сылларга Дьокуускай куорат уокуругун тырааныспарын инфраструктуратын биир кэлим сайдыыта» муниципальнай бырагыраамаҕа олоҕуран былааннаммыт. Муниципальнай сакаасчыт – «Главстрой» МХТ, бэдэрээтчит – «РИК Автодор» АУо. 
Бэдэрээтчит суол сырыытын бырайыагын оҥоруохтаах, суол бэлиэлэрин уонна хааччахтарын туруоруохтаах, үлэ ыытыллар сиригэр сатыы сылдьар дьоҥҥо куттал суоһаабатын хааччыйыахтаах, өрөмүөннэнэр учаастагы эргийэ барар технологическэй суолу тэрийиэхтээх, 2022 сыл алтынньы 31 күнүгэр диэри  сир үлэтин кэмигэр алдьаммыт суол бүрүөһүнүн чөлүгэр түһэриэхтээх. Хапытаалынай өрөмүөнү ыытар бэдэрээтчит үлэтин «Главстрой» МХТ хонтуруоллуур.