09.11.2023 | 14:00

«Профессионалы» сүүмэрдиир түһүмэҕэ

Бу күннэргэ киин куоракка 14-16 саастаах оскуола оҕолорун ортотугар «Профессионалы” диэн Бүтүн Арассыыйатааҕы идэ таһымын көрөр чемпионат муниципальнай түһүмэҕэ буола турар. Урукку сылларга «Ворлдскиллс” диэнинэн биллэр күрэх быйылгыттан аата уларыйбыт.
Ааптар: Айталина Софронова
Бөлөххө киир

Эрэстэрээнтэн уратыта суох

Сэтинньи 1-2 күннэригэр киин куорат 29 №-дээх орто оскуолатыгар «Ресторанный сервис» диэн хайысхаҕа күрэхтэһии буолан ааста.

Быйылгы күрэх сорудаҕа икки көрүҥтэн турар. Ол курдук, кыттааччы бэйэтэ кафеҕа үлэлээн уонна минньигэс коктейль астаан көрдөрөр.

Быйыл Дьокуускай куоракка  бу хайысхаҕа биэс кыттааччы сайаапка биэрбит –– 13 №-дээх орто оскуолаттан, 26 №-дээх орто оскуолаттан, 29 №-дээх орто оскуолаттан уонна «Айыы кыһата” оскуолаттан.

Бастакы күҥҥэ кыттааччылар сүрүн эксперт Галина Никифорова маастар-кылааһыгар кыттан, араас ньымалары билистилэр, коктейль астыырга үөрэннилэр, остуолу сервировкалыырга үөрэннилэр. Иккис күҥҥэ кыттааччылар «Бар» көрүҥҥэ арыгыта суох минньигэс утаҕы бэлэмнээн көрдөрдүлэр. Кыттааччылар маны таһынан экспертэргэ социальнай уонна коммуникативнай үөрүйэхтэрин көрдөрдүлэр.

Күрэх түмүгүнэн уопсай түмүк бу курдук буолла:

1 миэстэ – Арианна Платонова, киин куорат 26 №-дээх орто оскуолатын үөрэнээччитэ;

2 миэстэ – Айталина Никифорова, киин куорат 29 №-дээх орто оскуолатын үөрэнээччитэ;

3 миэстэ – Алина Осканова, киин куорат 26 №-дээх орто оскуолатын үөрэнээччитэ.

Сыспай сиэллээҕи, хороҕор муостааҕы иитээччилэргэ көмөлөһөөччүлэр

Табаҕа орто оскуолатыгар «Ветеринария» диэн хайысхаҕа күрэхтэһии буолла. Бу күрэххэ Тулагы орто оскуолата, Хатас орто оскуолата, киин куорат 13 №-дээх орто оскуолата, 29 №-дээх орто оскуола уонна «Глобальнай үөрэхтээһин киинэ» гимназия үөрэнээччилэрэ мустубуттар. Кыттааччылары Тыа хаһаайыстыбатын техникумун уһуйааччылара сыаналаатылар. Бары кыттааччылар үчүгэй үөрүйэхтэри көрдөрдүлэр: хирургическай сиик уурдулар, кролик туругун бэрэбиэркэлээтилэр уо.д.а. Бэрт тыҥааһыннаах киирсии түмүгэ бу курдук буолла:

1 миэстэ – Мария Донцова, Тулагы орто оскуолатын үөрэнээччитэ;

2 миэстэ – Камила Афанасьева, Хатас орто оскуолатын үөрэнээччитэ;

3 миэстэ – Айтал Кладкин, «Глобальнай үөрэхтээһин киинэ» гимназия үөрэнээччитэ.

Кофе оҥорорго маастар-кылаас

Үһүс хайысха – «Мастерство приготовления кофе и чая». Быйыл бу күрэх «Карлсон» диэн дьиэ кэргэн сөбүлээн сылдьар кафетыгар буолла. Күрэхтэһии иннинэ бары кыттааччыларга минньигэс кофе арааһын оҥорорго маастар-кылаас оҥордулар. Ол кэнниттэн кыттааччылар биир-биир дьүүллүүр сүбэҕэ тугу сатыылларын, кофены хайдах гыннахха минньигэс уонна амтаннаах гынары кэпсээтилэр. Ол курдук, түмүккэ кыайыыны ситистилэр:

1 миэстэ – Софья Илларионова, Марха орто оскуолатын үөрэнээччитэ;

2 миэстэ – Анна Гуськова, киин куорат 32 №-дээх орто оскуолатын үөрэнээччитэ;

3 миэстэ – Руслан Квашин уонна Александр Михайлов, киин куорат 24 №-дээх орто оскуолатын үөрэнээччилэрэ.

Сонуннар

Ордук ааҕаллар

Бобёр: «Үрдүк Айыылартан эрэ көрдөһөҕүн, ханнык да хамандыыр кэлэн быыһаабат»
Дьон | 09.05.2025 | 14:00
Бобёр: «Үрдүк Айыылартан эрэ көрдөһөҕүн, ханнык да хамандыыр кэлэн быыһаабат»
Анараа хас биир күн күндү: бүгүн бааргын — сарсын суоххун... Уолаттарбыт барахсаттар араас моһолтон, чуһуурар буулдьаттан, үөһээттэн көтөн кэлэр «дьэгэ-баабалартан» кыл түгэнэ, мүччү-хаччы түһэн төннөн кэллэхтэринэ, айыыларбытыгар эрэ махтанабыт буоллаҕа. «Бобёр» позывнойдах хорсун буойун иккистээн хантараак баттаан сэриилэһэ сылдьан бааһыран, билигин Москваҕа госпитальга  кэлэн эмтэнэ сытар.   Бобёр 2023 сыл саҥатыгар,...
Историяны сэгэттэххэ...
Сонуннар | 10.05.2025 | 12:06
Историяны сэгэттэххэ...
Улуу Кыайыы 80 сылын чэрчитинэн быйылгы сыл Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларын биллэриллибитэ.  Оттон култуура  тэрилтэлэригэр быйыл – История өйдөбүнньүгүн сыла.   Дьокуускайга сахаттан бастакы Сэбиэскэй Сойуус Дьоруойа Федор Кузьмич Поповка аналлаах пааматынньык турда.  Дьоруой биир дойдулаахтара, Мэҥэ Хаҥалас улууһун Баатара нэһилиэгин бэрэстэбиитэллэрэ дьоруой аймахтара  Федор...
Эр киһи наада дуо?
Сынньалаңңа | 18.05.2025 | 21:35
Эр киһи наада дуо?
Бу киһи эмиэ мэлийдэ. Күүтэн-күүтэн көхсүм сылайда, кэтэһэн-кэтэһэн кэтэҕим элэйдэ. Баҕайы, эмиэ ханна эрэ халаара сылдьара буолуо, эбэтэр гаражка тиийэн хаартылыы олороро дуу? Уопсайынан, эр киһи туохха наадалааҕый? Күннээҕи олоххо дуу, түүҥҥү таҕылы ханнарыыга дуу? Саатар дьиэтигэр кэлэн дьыбааҥҥа тиэрэ түһэн тэлэбиисэр да көрөрө баҕалаах. Сорох дьахталлар эрбит суох буоллаҕына...
«Килбиэннээх үлэ куората» анал аакка аналлаах быыстапка
Сонуннар | 10.05.2025 | 12:01
«Килбиэннээх үлэ куората» анал аакка аналлаах быыстапка
Кэлэр кэм кэскилин үлэнэн ситиспит, дьулуурунан-тулуурунан  уһаммыт дьоһун дьоммутугар махталбыт бэлиэтэ быыстапка үрдүк таһымҥа ааста. Улуу Кыайыы күнүгэр анаммыт дьаһаллартан, тэрээһиннэртэн биирдэстэрэ – Дьокуускай куоракка 2022 сэтинньи 15 күнүгэр иҥэриллибит «Килбиэннээх үлэ куората» диэн үрдүк ааты кэпсиир быыстапка буолла. Быыстапка бу дьыл ыам ыйын 9 күнүгэр Кыайыы болуоссатыгар турда. Манна...