04.06.2020 | 10:47

Пригороднайга сүрүн суоллара оҥоһуллуоҕа

Пригороднайга сүрүн суоллара оҥоһуллуоҕа
Ааптар: Киин Куорат

Пригороднай сэлиэнньэтигэр "Куттала суох уонна хаачыстыбалаах айан суоллара" национальнай бырайыак чэрчитинэн, Новая уулусса 1, 492 км устата өрөмүөннэниэҕэ. Бэдэрээтчик –“РИК Автодор” АУо.

Бырайыагы олохтоохтору кытта ырытыыга баһылык солбуйааччыта Евгений Григорьев, Транспорт уонна суол управлениетын салайааччытын э.т. Константин Попов, нэһилиэк дьаһалтата, “Главстрой” МКТ, ГИБДД, бэдэрээттээх тэрилтэлэр кытыннылар.

Новая уулуссаҕа асфальт уларыйыаҕа, ону кытта суол түгэҕин бөҕөргөтүү саҥа технологиялар туһаныллыахтара. Суол үрдүкү дьапталҕата 8 см халыҥнаах бытархай састааптаах асфальтобетон булкадаһыгынан кутуллуохтаах, суол кытыытыгар щебенка-гравий-кумах кутуллуохтаах. Олохтоохторго табыгастаах буолар гына суолтан 7 түһүү оҥоһуллуоҕа.

“Главстрой” МКТ эрэннэрэринэн, Пригороднай суолун өрөмүөнэ бэс ыйын ортотуттан саҕаланыа. Манна эмиэ, Кангаласска курдук, суол аллараа дьапталҕатын бигэргэтэр ресайклинг технологията туттуллуоҕа.

Олохтоохтор мунньах кэмигэр суолу сырдатыыны, саҥа суол бэлиэлэрин, тротуардары тупсарыыны, оптуобус тохтобулларын туруорустулар уонна үлэ болдьоҕун чуолкайдастылар. “Главстрой” специалистара бэлиэтээбиттэринэн, бырайыакка суолу сырдатар лаампалар остуолбаларын уларытыы, 17 саҥа светодиоднай лаампалар ыйылла сылдьаллар. Тротуардары оҥоруу бырайыакка көрүллүбэтэх, оттон суол бэлиэлэрин саҥардыы, суолу туоруур сирдэри бэлиэтээһин барыта киирбит. Оптуобус тохтууругар суолтан тахсыы былааннаммыт, тохтобул павильоннарын туруоруу былааҥҥа суох.

***

Дьокуускай куорат уокуруктааҕы дьаһалтата ыам ыйын 21 күнүттэн бэс ыйын 5 күнүгэр диэри “Куттала суох уонна хаачыстыбалаах айан суоллара” национальнай бырайыагы киин куоракка олоххо киллэриигэ уопсастыбаннай ырытыылары тэрийэн ыытар. Куорат олохтоохторо өрөмүөн үлэтин туһунан кэпсэтиилэргэ видеоконференция ньыматынан (Zoom ID 7219345765), якутск.рф сайтка тахсар графигы көрөн кыттыһыахтарын сөп.

Национальнай бырайыак чэрчитинэн уопсайа 23,5 км уһуннаах 28 суол ситимэ оҥоһуллар. Бырайыак 5 сыл үлэлиирин тухары, 2019-2024 сылларга, 204,5 км суол саҥардыллыахтаах. Федеральнай, өрөспүүбүлүкэтээҕи уонна муниципальнай бүддьүөттэн уопсайа 1,5 млрд солк. көрүллэр.

Сонуннар

Ордук ааҕаллар

Төлөн: «Кэрэни туойарбыттан дуоһуйабын»
Дьон | 18.06.2021 | 19:46
Төлөн: «Кэрэни туойарбыттан дуоһуйабын»
Бу күннэргэ балаһабар дьоруой көрдөөн биир дойдулаахпар, буолаары буолан ийэм төрөөбүт сириттэн төрүттээх, Өнөр Эбэтэ дуо дэппит Уус Алдан улууһун биир кэрэ-мааны айылҕалаах, дьэдьэн, хаптаҕас силигилии үүнэр, сардаана сибэккинэн симэммит алаастардаах, лэһигирэс көмүс хатырыктааҕынан аатырбыт Өнөртөн төрүттээх киһини дьүөгэм булан биэрдэ. Онон, билсиҥ, хоһоон хонуутугар хорутуулаахтык суруйар, оһохчут быһыытынан улууһугар...
Маһы ыллатар уус, ырыаһыт, үҥкүүһүт, артыыс...
Дьон | 07.06.2021 | 18:45
Маһы ыллатар уус, ырыаһыт, үҥкүүһүт, артыыс...
Хатас олохтооҕо Андрей Лукич Малышев-Толлуман – “Эр Бэрдэ” балаһабыт бүгүҥҥү ыалдьыта. Кини Горнай улууһуттан төрүттээх. СӨ култууратын туйгуна, “Уус – уран оҥоһуктар” бэлиэ хаһаайына, мас ууһа, столяр идэлээх. Хоһоон суруйар, ырыа айар, үҥкүүлүүр. Хатастааҕы норуодунай театр солбуллубат артыыһа. Барыга-бары дэгиттэр талааннаах эр бэрдэ. Кини тугу сатаабатаҕа баарай... Маһы ыллатар уус,...
Станислав Свинобоев Бухарестка уһаарыллыыта
Спорт | 11.06.2021 | 10:24
Станислав Свинобоев Бухарестка уһаарыллыыта
Станислав Свинобоев Бухарестка уһаарыллыыта Мэҥэ Хаҥаластан төрүттээх, 18 саастаах Станислав Свинобоев саас Иркутскайга 21-гэр диэри саастаахтарга көҥүл тустууга  Арассыыйа чемпиона буолбута. Итинник түһүлгэттэн кыһыл көмүс мэтээл кэлбэтэҕэ 11 сылыгар  эбиитин орто ыйааһыҥҥа  70 кг аҕалыыта уонна атырдьах ыйыгар Башкортостан киинигэр Уфаҕа ыытыллыахтаах аан дойду 21-гэр диэри саастаахтарга чемпионатыгар Арассыыйа чиэһин...
Абитура чугаһаата! Бэлэмҥин дуо?
Тускар туһан | 09.06.2021 | 19:59
Абитура чугаһаата! Бэлэмҥин дуо?
Абитура чуһаата. Эмиэ биир эппиэттээх, тиритиилээх-хорутуулаах, сүүрүүлээх-көтүүлээх кэм тиийэн кэллэ. Быйылгы үөрэххэ туттарсааччылар тугу билиэхтээхтэрий? Докумуоннары тутар киин  хамыыһыйа хайдах үлэлиирий? Туттарсыыга туох докумуоннар ирдэнэллэрий? Бу уонна атын да ыйытыыларга хоруйу мантан аллара ааҕыҥ. Бэлиэтээн эттэххэ, Дьокуускай куорат оскуолаларын быйыл 11 кылааһы уопсайа 2180 оҕо бүтэрэр. Онтон 205 выпускник «Үөрэххэ...