28.03.2020 | 18:33

Подъезкын сууйбат буоллахтарына үҥсүөххүн сөп

Подъезкын сууйбат буоллахтарына үҥсүөххүн сөп
Ааптар: Киин Куорат

Дьокуускайга коронавируһу уодьуганныыр сыаллаах элбэх кыбартыыралаах дьиэлэри, уопсастыбаннай дьиэни-уоту санитарнай дезинфекциялааһын ыытыллар.

Куорат хаһаайыстыбатын эксплуатациялыыр сулууспа иһитиннэрбитинэн, кулун тутар 27 күнүнээҕи туругунан, 2371 дьиэ подъеһыгар санитарнай сууйуу-сотуу ыытылынна, ол олорор дьиэ пуондатын 98 бырыһыана буолар. Бүгүн 533 дьиэ обработкаланна.

Роспотребнадзор олохтообут ирдэбилинэн, элбэх кыбартыыралаах дьиэ подъеһа нэдиэлэҕэ иккитэ уулаах сууйууну-сотууну ааһыахтаах, күн аайы элбэхтик туттуллар аан тутаахтарын, домофон кнопкаларын, лифтэри, кирилиэс тутуһардарын о.д.а. барытын анал суурадаһынынан дезинфекцияланыахтаах.

Дьокуускай баһылыгын С.Авксентьева дьаһалынан, олохтоохтор баар балаһыанньаны арылыччы билэллэрин туһугар, подъезтарга дезинфекция ньымаларын туһунан сиһилии кэпсиир сууйуу-сотуу графига ыйаныахтаах.

Салайар хампаанньаҕыт эбэтэр ТСЖ-гыт дезинфекцияны ыыппатах буоллаҕына эрийэн биллэриэххитин  сөп:

  • Дьокуускай Биир кэлим диспетчерскэй сулууспатыгар 8 (4112) 44-42-29, 44-42-51
  • СӨ Госстройжилнадзор управлениетыгар 8 (4112) 34-50-53, 34-26-44, төл./факс (4112) 34-22-49, эл. аадырыстара: ugszhn@sakha.gov.ru)

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.