13.12.2021 | 18:00

Оскуолаларга эбии миэстэни оҥоруу саҕаланна

Оскуолаларга эбии миэстэни оҥоруу саҕаланна
Ааптар: Киин Куорат

Бу күннэргэ Пригороднай сэлиэнньэтин 12 №-дээх орто оскуолатыгар самалык тутуу бастакы сыбаайата үөрүүлээх быһыыга-майгыга түстэ. Саха сирин үөрэҕириитин тэрилтэлэригэр 2021-2024 сылларга эбии миэстэлэри оҥоруу бырайыагын бастакы түһүмэҕин чэрчитинэн тутуллар самалык 326 миэстэлээх буолар. Бырайыак ВЭБ.РФ сайдыы судаарыстыбаннай корпорацията кыттыылаах олоххо киирэр. Ол туһунан Уокуруктааҕы дьаһалта пресс-сулууспата иһитиннэрдэ.
Пригороднай олохтоохторун тутуу саҕаламмытынан Дьокуускай куорат салалтатын аатыттан баһылык солбуйааччыта Антон Алексеенко эҕэрдэлээтэ.
«Бырайыак олоххо киириитэ саҥа саҕаланна, былааҥҥа өссө үс эбийиэк тутуута баар. Ити курдук, ВЭБ.РФ кытта кыттыгас бырайыакпыт бастакы түһүмэҕэр куорат уокуругар тыһыынча кэриҥэ эбии үөрэх миэстэлэрин тэрийиэхпитин сөп. Инники улахан үлэ күүтэр, тоҕо диэтэххэ үөрэх миэстэлэригэр наадыйыы улахан. Судаарыстыба уонна өрөспүүбүлүкэ өйөбүллэринэн сотору кэминэн куораппыт үөрэҕириитин сайдыытыгар хаачыстыбалаах хардыыны оҥоруохпут», – диэбит  Антон Алексеенко.
12 №-дээх орто оскуола самалык тутуута үс этээстээх, манна 27 үөрэх кэбиниэтэ, кинигэ харайар сирдээх библиотека, медицинскэй кэбиниэт, 160 миэстэлээх остолобуой, 300 миэстэлээх актовай саала, муусука уонна туспа үҥкүүнэн дьарыктанар саалалар  баар буолуохтара. Саҥа тутуу уопсай иэнэ – 5280 кв. м. тахса, тутааччы – «Арктик Капитал» ХЭТ.
Оскуола дириэктэрэ Михаил Уйгуров этэринэн, билиҥҥи кэмҥэ оскуолаҕа икки сменанан солбуһан 616 оҕо үөрэнэр. 2014 сылтан саҕалаан оскуолаҕа физико-математическай хайысхалаах предметтэри дириҥэтэн үөрэтии киирбит.  
2020 сылга Пригороднай сэлиэнньэ «Цифровой үөрэҕирии эйгэтэ» федеральнай бырайыак СӨ территориятыгар «Үөрэҕирии» национальнай бырайыагын кыттыылааҕынан буолбута. 2021 сыллаахха оскуолаҕа «Точка роста» естественно-научнай уонна технологическай хайысхалаах үөрэҕирии Киинэ арыллыбыт.

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Ойуур кыыллара киһиэхэ тахсаллара элбээтэ
Сонуннар | 14.06.2022 | 11:44
Ойуур кыыллара киһиэхэ тахсаллара элбээтэ
Саһыллар, эһэлэр ас көрдөөн айан суолларыгар икки атахтаахха бэйэлэринэн тахсаллара үксээбитин айылҕа харыстабылын үлэһиттэрэ иһитиннэрэллэр. Киһи айылҕа кыылын уун утары көрсөр түгэнигэр тугу гыныахтааҕый?   СӨ Быыһыыр сулууспата иһитиннэрбитинэн, дьиикэй кыылы көрсүүгэ хас да быраабыланы тутуһуохтаахпыт. Ол курдук, бастатан туран балаһыанньаны, тирээн кэлбит түгэни сөпкө сыаналыахха наада. Ойуур кыыллара киһи элбэхтэ...
БКЭ-ни 100 баалга туттарбыт оҕо ахсаана эбилиннэ
Сонуннар | 15.06.2022 | 19:43
БКЭ-ни 100 баалга туттарбыт оҕо ахсаана эбилиннэ
Биир кэлим эксээмэни нуучча тылыгар 100 баалга суруйбут оҕолор ааттара билиннэ: - Красиков Виталий, Элдьикээн орто оскуолата, Уус Майа; - Василения Иван, 26 №-дээх оскуола, Мииринэй; - Жукова Екатерина, Политехническай лицей, Мииринэй; - Сулайманов Биймырза, 12 №-дээх оскуола, Мииринэй; - Новогодина Анжелика, 5 №-дээх оскуола, Дьокуускай; - Иванова Даяна, Өрөспүүбүлүкэтээҕи...