Олохтоох дьаһалтаҕа үлэ чааһа уларыйар

Куорат баһылыга Евгений Григорьев алтынньы 1 күнүгэр диэри Олохтоох дьаһалтаҕа үлэ чааһын уларытар быһаарыыны ылынна. Уларытыы куорат киинигэр ыытыллар суол үлэлэрин кытта сибээстээх. Бу туһунан Олохтоох дьаһалта пресс-сулууспата иһитиннэрдэ.
Үлэ күнэ сарсыарда 08:30 чаастан саҕаланар уонна  17:30 чааска бүтэр буолуоҕа. Ити туһунан баһылык куорат уопсай планеркатыгар эттэ.
«Куорат киинигэр биһиэхэ икки улахан дьаһалта дьиэтэ баар – Ленин проспегар уонна Октябрьскай уулуссатыгар, итини таһынан Орджоникидзе, Дзержинскэй, Лермонтов уулуссаларыгар салааларбыт бааллар. Билигин кэллиэгэлэрим ити боппуруоһунан үлэ инспекциятын кытта  үлэлэһиэхтэрэ, муус устар 18 күнүттэн саҥа график киириэ диэн эрэнэбин», - диэтэ Евгений Григорьев.
Ити миэрэ тырааныспар сырыыта саамай муҥутуур кэмигэр суолга массыыналары уонна уопсастыбаннай тырааныспарга дьону аҕыйатарга туһуламмыт.