Олох-дьаһах хомунаалынай хаһаайыстыбатын үлэһиттэрин наҕараадалаатылар

«Олох-дьаһах хомунаалынай хаһаайыстыбатын бочуоттаах үлэһитэ» бэлиэни муус устар 6 күнүгэр үөрүүлээх быһыыга-майгыга ити салаа бэтэрээннэригэр уонна үлэһиттэригэр туттардылар. Наҕараадалааһыҥҥа Дьокуускай куораттааҕы Дуума Бэрэссэдээтэлин бастакы солбуйааччы Евдокия Евсикова уонна Олох-дьаһах хомунаалынай хаһаайыстыбатыгар уонна энергетикаҕа Департаменын начаалынньыгын эбээһинэһин толорооччу Максим Шомоев кытыннылар. Бу туһунан Олохтоох дьаһалта пресс-сулууспата иһитиннэрдэ.
Дьокуускай куораттааҕы Дуума Бэрэссэдээтэлин бастакы солбуйааччы Евдокия Евсикова ОДьКХ үлэһиттэрин эҕэрдэлээтэ уонна кинилэр үлэлэрэ куорат олоҕор тыын суолталааҕын бэлиэтээтэ. «Уубут, гааспыт, дьиэбит сылааһа уонна сырдыга, ыраас уулуссалар, суоллар уонна тиэргэннэр,  уопсастыбаннай миэстэлэр уонна дьиэлэр подъезтара – төгүрүк суукканы быһа ыытыллар улахан сатабылы, тулууру ирдиир үлэ түмүгэ. Эһиги   ОДьКХ эйгэтин сайдыытыгар киллэрэр кылааккыт сүдү суолталаах», - диэн бэлиэтээтэ Евдокия Евсикова.
Олох-дьаһах хомунаалынай хаһаайыстыбатыгар уонна энергетикаҕа Департаменын начаалынньыгын эбээһинэһин толорооччу Максим Шомоев идэлэригэр бэриниилэрин иһин ити салаа бэтэрээннэригэр уонна үлэһиттэригэр махталын тириэртэ. «Эһиги аттыгытыгар эдэр маастардар уонна исписэлиистэр үлэлииллэр, олору кытта уопуккутун үллэстэҕит, кинилэр үтүө суобастаахтык үлэлииргэ үөрэнэллэр, эһигиттэн холобур ылаллар», - диэтэ кини.
Олох-дьаһах хомунаалынай хаһаайыстыбатын эйгэтигэр өр сыллаах үтүө суобастаах үлэлэрин уонна үтүөлэрин иһин «Олох-дьаһах хомунаалынай хаһаайыстыбатын бочуоттаах үлэһитэ» бэлиэнэн наҕараадалыннылар:

«Водоканал» АУо генеральнай дириэктэрэ Анатолий Кырджагасов,
«Горсвет» МУТ электрическэй ситимнэрин тарҕатар сулууспа начаалынньыга Иван Бадмаев,
«Водоканал» АУо тэрийэр-хонтуруоллуур үлэҕэ салаатын плотнига Афанасий Барахов,
«Водоканал» АУо өрөмүөннүүр-механическай сыаҕын слесарь-ремонтнига Николай Карасев,
«Куорат хаһаайыстыбатын үлэлэтэр сулууспа» МХТ салайааччытын солбуйааччы Татьяна Павлюковская,
«Теплоэнергия» АУо «Октябрьскай» энергооройуонун маастара Наталья Бедник,
«Сахатранснефтегаз» АУо хочуолунай тэрилин өрөмүөннүүр слесарь Николай Кузнецов,
«Водоканал» АУо уунан хааччыйыыга сулууспатын машиниһа  Галина Машарская,
Марха дьоҕус оройуонун дьаһалтатын кылаабынай исписэлииһэ Нина Хайченко,
«Теплоэнергия» АУо «Сайсары» энергооройуонун маастара Татьяна Шалафаненко.